Monday 27th May 2019
  • New title for a=>html, img=>alt
  • महिना दिनदेखि थलामा गण्डकी मेडिकल कलेज

    March 4, 2019


    पोखरा, २० फागुन । सामान्य अवस्थामा विरामीको उपचार गरी स्वस्थ वनाउने अस्पताल आफै थलामा परेको छ भन्दा जो कसैलाई पत्याउन कठिन हुने गर्दछ । तर पोखरामा रहेको गण्डकी मेडिकल कलेज विद्यार्थीको आन्दोलनको कारण एक महिना देखि आफै विरामी भएको छ । कलेजमा अध्ययनरत विद्यार्थीको आन्दोलनको कारण अस्पतालका सेवा तथा पठपाठन पूर्ण रुपमा वन्द भएको छ । विरामी मर्कामा परेका छन भने कलेजमा कार्यरत झण्डै १ हजार प्रध्यापक कर्मचारी एक महिनादेखि काम विहिन छन । मानव स्वास्थ्यसँग प्रत्यक्ष सरोकार राख्ने तथा अत्यावश्यक सेवा ऐनले बन्द गर्न निषेध गरेको अस्पताल जस्तो क्षेत्रमा विद्यार्थी स्वयमले हडताल गर्नु गम्भिर विषय हो । स्वास्थ्यसँग सम्बन्धीत विषय अध्ययन गर्ने विद्यार्थीहरु मानव स्वास्थ्यका सन्दर्भमा अत्यन्त जिम्मेवार बन्नु पर्ने हुन्छ ।
    गण्डकी प्रदेशकै ठुलो अस्पताल आन्दोलनका कारण वन्द हुँदा सयौं विरामी मर्कामा परेका छन । कास्की, स्याङजा तनहुँ, पर्वत, वाग्लुङ, म्याग्दी, मुस्ताङ, लमजुङ लगायत छिमेकी जिल्लाका विरामी उपचारको लागि अस्पताल आउने गर्दछन । ‘विद्यार्थीले विभिन्न मागराखी आन्दोलन गर्नु विद्यार्थीको पक्षवाट आफैमा ठिक छ होला तर नेपालको कानूनले नै अत्यावस्यक सेवा प्रवाह गर्ने निकायको रुपमा परिभाषित गरेको अस्पताल वन्द गरी मागहरु पुरा गराउन खोज्नु कत्तिको न्यायिक हो ?’ कलेजका प्रमुख कार्यकारी अधिकृत सन्तोष कुमार खनालले भन्नुभयो–‘विद्यार्थीहरुले आन्दोलन गरी कलेजको पठनपाठन र अस्पतालको सेवा प्रत्यक्ष प्रभावित भएपछि त्रिभुवन विश्वविद्यालयको अनुगमन निर्देशनालयले एक छानविन समिति वनाई त्यसले आप्mनो कार्य पुरा गरी प्रतिवेदन त्रि.वि.वि.को कार्यकारी परिषदमा पेश गर्ने तयारी गरेको छ भन्ने सुनिएको छ । त्यसैगरी त्रि.वि.वि. कार्यकारी परिषदले गण्डकी मेडिकल कलेज लगायत त्रि.वि.वि.का अन्य मेडिकल कलेजको समेत अध्ययन अनुसन्धान गर्नको लागि ५ सदस्यीय टोली वनाएको जानकारी प्राप्त भएको छ । हाम्रो अन्तिम नियमनकारी निकाय त्रि.वि.वि भएकोले उसको निर्णय हामिले मान्नुपर्दछ भन्ने कुरा हामिले सुरदेखिनै भन्दै आएका छौ ।’
    नियमनकारी निकायले स्वतन्त्र छानविन गरोस, छानविनवाट जे निष्कर्ष आउछ हामी मान्न तयार छौ भन्दापनि अस्पताललाई बन्दक वनाईनु आफैमा गम्भिर विषय भएको भन्दै खनालले कुनै पनि हालतमा आप्mनो पक्षमा निर्णय हुनुपर्दछ भन्नुले प्रयाप्त शंका उब्जाएको वताउनु भयो ।
    ५५० शैया सञ्चालमा रहेको गण्डकी मेडिकल कलेजले दैनिक झण्डै एक हजार विरामीको उपचार गराउँदै आएको अस्पतालले जनाएको छ । अस्पतालवाट नेपाल सरकारका डायलासिस, सुरक्षित मातृ शिशु, क्षयरोग निराकरण, हेड इन्जुरी, स्पाइनल इन्जुरी, क्यान्सर, स्वास्थ्य विमा, टाउको, मेरुदण्डसंग सम्वन्धित कार्यक्रम सञ्चालित हुँदै आएकोमा आन्दोलनबाट वन्द हुँदा गम्भिर प्रकृतिका विरामीहरु थप मर्कामा परेका छन् ।
    आन्दोलनका विभिन्न रुपहरु हुन्छन होला तर वन्दनै गर्दा अस्पतालमा आश्रित सवैमा असर पर्ने कुरालाई कसैले ख्याल नगरको स्थानीयको गुनासो छ । लगातार ३ पटक सम्म आँउदा पनि सेवा लिन नपाएको पर्वतका दयाराम पोखरेलले गुनासो गर्नुभयो । नियमित खानुपर्ने औषधीमा परिवर्तन गर्ने चिकित्सकको सल्लाह अनुसार पटक पटक अस्पताल आउँदा दुःख भएको उहाँले बताउनु भयो ।