चिनियाँ विदेशमन्त्री वाङ यी स्वेदश फिर्ता

151

चिनियाँ विदेशमन्त्री वाङ यी स्वेदश फिर्ता

चिनियाँ विदेशमन्त्री एवम् राज्यपरिषद् सदस्य वाङ यी स्वेदश फिर्ता हुनुभएको छ । नेपालको त्रिदिवसीय भ्रमण सकेर उहाँ आज आइतवार दिउँसो स्वदेश फर्किनुभएको हो । वाङ यी गएको शुक्रवार नेपाल आइपुग्नुभएको थियो ।
चिनियाँ विदेश मन्त्रीलाई बिदाइ गर्न परराष्ट्र सचिव भरतराज पौड्याल लगायतको टोली त्रिभुवन अन्तर्राष्ट्रिय विमानस्थलमा पुगेको थियो ।
चिनियाँ विदेशमन्त्री वाङले आजै राष्ट्रपति विद्यादेवी भण्डारीसँग भेट गर्नुभएको थियो । यस्तै आज नै उहाँले नेकपा एमालेका अध्यक्ष केपी शर्मा ओली र नेकपा माओवादी केन्द्रका अध्यक्ष पुष्पकमल दाहालसँग पनि भेटवार्ता गर्नुभएको थियो । यस्तै हिजो शनिवार बेलुका वाङले प्रधानमन्त्री शेरबहादुर देउवासँग भेट गर्नुभएको थियो ।