उद्योग व्यापार संघ बुटवलको सातौँ वार्षिक साधारणसभा तथा चौथो अधिवेशनबाट नयाँ नेतृत्व सर्वसम्मत रूपमा चयन गरिएको छ । अधिवेशनले लोकनाथ पन्थीलाई अध्यक्ष पदमा चयन गरेको छ । नवनिर्वाचित कार्यसमितिकाे वरिष्ठ उपाध्यक्षमा पदम जी.सी., उद्योग उपाध्यक्षमा केशव श्रेष्ठ, वाणिज्य उपाध्यक्षमा यमलाल मरासिनी र महिला उपाध्यक्षमा माया पाण्डे रहनु भएकाे छ ।
यसैगरी महासचिवमा विजय आचार्य, कोषाध्यक्षमा दिलिप शर्मा, सचिवमा सौरभ भुसाल तथा सह–कोषाध्यक्षमा बिनोद आचार्यलाई चयन गरिएकाे छ । कार्यसमिति सदस्यहरू समेत सर्वसम्मत रूपमा निर्वाचित भएका छन् ।
साधारणसभा तथा अधिवेशनमा बोल्ने वक्ताहरूले उद्योग–व्यवसायीहरूको हकहित संरक्षण, निजी क्षेत्रको सशक्तिकरण र बुटवल क्षेत्रको आर्थिक विकासमा संघको भूमिकालाई अझ प्रभावकारी बनाउने प्रतिबद्धता व्यक्त गरेका थिए ।
नवनिर्वाचित अध्यक्ष पन्थीले सबै व्यवसायीको साझा आवाजका रूपमा संघलाई अघि बढाउँदै सहकार्य, एकता र व्यावसायिक वातावरण सुधारमा विशेष ध्यान दिने प्रतिबद्धता व्यक्त गर्नुभयाे ।
