कर्तव्य ज्यान मुद्धामा अदालतबाट फैसला भएको ११ वर्षपछि अपराधमा संलग्न व्यक्तिलाई प्रहरीले पक्राउ गरि अदालत चलान गरिएको छ । जिल्ला अदालत रुपन्देहीबाट कर्तव्य ज्यान मुद्धामा दोसी ठहर्याएको कोटहीमाई गाउँपालिका ५ का ७० वर्षीय हमिद धुनियालाई हालै प्रहरीले पक्राउ गरेको हो ।
जिल्ला अदालत रुपन्देहीबाट कर्तव्य ज्यानमा दोशी सावित धनियाले ६ असोज २०६५ मा रुपन्देहीको साविक मर्यादपुर गाबिस वडा नं. ५ न्यौडिहवाका २० वर्षीय सन्तोष लोनिया (चौहान) हत्या गरेको अभियोग लागेको थियो । छोरा सन्तोष मृत अवस्थामा फेला परेपछि उनको बाबु शंकर लोनिया चौहानको किटानी जाहेरीका आधारमा मुद्धा अनुसन्धान गरि जिल्ला अदालत रुपन्देहीले १५ कात्तिक २०६७ मा फैसला सुनाएको थियो ।
तत्काल फरार रहेको धुनियालाई जिल्ला प्रहरी कार्यालय रुपन्देही र मर्यादपुर प्रहरी चौकीबाट खटिएको बिशेष टोलीले नेपाल भारत सिमा नजिकै कोटहीमाई गाउँपालिका वडा नं. ३ मा लुकिछिपि हिंडिरहेको अवस्थामा पक्राउ गरिएको जिल्ला प्रहरी कार्यालय रुपन्देहीका प्रवक्ता प्रहरी नायव उपरिक्षक खड्कबहादुर खत्रीले जानकारी गराउनु भएको छ । पक्राउ परेका धुनिया जिल्ला अदालत रुपन्देहीमा पेश गरी कारागार चलान भएको पनि उहाँले जानकारी गराउनु भएको छ ।
