नेपाल चिकित्सक संघ लुम्बिनी शाखाका अध्यक्ष डा. ईन्द्र ढकालले अत्यावश्यक समस्या बाहेक सामान्य समस्यामा अस्पताल नजान अपिल गर्नुभएको छ । छिमेकी मुलुक चिनबाट फैलिएको कोरोना भाईरस (कोभिड १९) संक्रमणको नेपाल उच्च जोखिममा छ । कोरोना भाईरसको संक्रमण हुन नदिनकालागि उहाँले यस्तो सल्लाह दिनुभएको हो । उहाँले आफ्नो फेसबुबका स्टाटस लेख्दै सबैभन्दा सुरक्षित ठाउँ आफ्नै घर भएकाले घरमै सुरक्षित रहन आग्रह गर्नुभएको छ ।
उहाँले भाईरस सर्ने, सार्ने, जोखिम भएका सबै आउने ठाउँ अस्पताल भएको अस्पताल बढी जोखिमपूर्ण ठाउँ भएकाले साधारण चेकजाँचकालागि अस्पताल नजान पनि सुझाव दिनुभएको छ । अत्यावश्यक काम परेमा पनि अस्पताल जाँदा सुरक्षित हुन उहाँले आग्रह गर्नुभएको छ ।
उहाँले आफ्नो फेसबुक स्टाटसमा लेख्नुभएको छ –‘सबैभन्दा सुरक्षित ठाउँ आफ्नै घर हो र सबैभन्दा जोखिमपूर्ण ठाउँ अस्पताल हो । भाईरस सर्ने/सार्ने/जोखिम भएका सबै आउने ठाउँ अस्पताल नै हो । त्यसैले अत्यावश्यक समस्या बाहेक साधारण चेकजाँच या बिदाको बेला बिमा सदुपयोग भन्दै, होलबडी चेकअप गरिहालौं भन्दै अस्पताल नजाऔ, बरु घरमै बसौँ, सुरक्षित रहाँँ ।’