रुपन्देहीमा कृयाशिल व्यबसायिक संस्थाहरुको सञ्जालले उपचारका लागि अस्पतालमा आउने बिरामीलाई वेवास्ता गरी उपचार हुन नसेकेको औंल्याउँदै उपचारको वातावरण बनाउन सरकारसंग आग्रह गरेको छ । विश्वमा कोरोना भाईरस (कोभिड–१९) महामारीको रुपमा फैलिएपछि अस्पतालहरु अन्यरोगका बिरामी समेत उपचार गर्न हिचकिचाउन थालेका समाचार आएपछि सञ्जालले सरकारको ध्यानाकर्षण गराएको हो । सञ्जालको मंगलबार बुटवल उद्योग बाणिज्य संघ रुपन्देहीमा बसेको बैठकले कोरोना भाईरस (कोभिड–१९) को महामारीको विषम परिस्थितीमा आम नागरिकको उपचारमा निरन्तरता दिने वातावरण बनाउन आग्रह गरेको हो ।
त्यस्तैगरी बैठकले भारतका बिभिन्न स्थानबाट स्वदेश फर्कि आएका नेपाली दाजुभाईलाई आवश्यक स्वास्थ्य परिक्षण गरि सम्बन्धित स्थानीय स्तरमा नै क्वारेन्टाईन वा होम क्वारेन्टाईनमा बस्ने व्यबस्था मिलाउन समेत प्रदेश तथा स्थानीय सरकारको ध्यानकर्षण गराएको छ ।
बैठकले आवश्यक बस्तु ढुवानी सहजीकरणको लागि पश्चिमाञ्चल यातायात व्यबसायी समितिका अध्यक्ष यमप्रसाद पाण्डेलाई आवश्यक समन्वयको जिम्मेवारी प्रदान गर्ने निर्णय गरेको छ । त्यस्तैगरी प्रदेश सरकार तथा स्थानीय तहमा स्थापित राहत कोषमा संघसंस्थाहरुले सक्दो आर्थिक सहयोग प्रदान गर्ने निर्णय भएको बुटवल उद्योग बाणिज्य संघका प्रमुख कार्यकारी सचिव मदनकुमार कार्कीले जानकारी गराउनु भयो ।
बुटवल उद्योग बाणिज्य संघ रुपन्देहीका अध्यक्ष खिमबहादुर हमालको अध्यक्षतामा भएको सञ्जालको बैठकमा रुपन्देही उद्योग संघका अध्यक्ष बाबुराम बोहोरा, रुपन्देही व्यापार संघका अध्यक्ष यमलाल लोहोनी, तिलोत्तमा उद्योग बाणिज्य संघका अध्यक्ष गुणनिधी भण्डारी, तिलोत्तमा व्यापार संघका अध्यक्ष जेपी कंडेल, पश्चिमाञ्चल यातायात व्यबसायी समितिका अध्यक्ष यमप्रसाद पाण्डे, पश्चिम नेपाल बस व्यबसायी प्रा.ली.का अध्यक्ष दधिराम खरेल, साना तथा मझौला ढुवानी व्यबसायी समितिका अध्यक्ष लक्ष्मण क्षेत्री, नियमित रक्तदाता संघ रुपन्देहीका अधयक्ष कृष्ण चौहान, तिलोत्तमा उद्योग बाणिज्य संघका वरिष्ठ उपाध्यक्ष ज्ञानेन्द्र कार्की, रुपन्देही व्यापार संघका प्रथम उपाध्यक्ष डिल्लीराज भण्डारी, यातायात मजदुर तथा व्यबसायी भलाई कोषका अध्यक्ष दिनेश फूल्लेल, देवदह उद्योग बाणिज्य संघका अध्यक्ष गोपालप्रसाद ढकाल, बुटवल उद्योग बाणिज्य संघका उद्योग उपाध्यक्ष अनिलप्रसाद श्रेष्ठ, बाणिज्य उपाध्यक्ष हरिप्रसाद अर्याल, महासचिव दिनेशप्रसाद श्रेष्ठ, नीजि अस्पतालहरुको छाता संस्था एशोसियशन अफ प्राईभेट हेल्थ ईन्ष्टिच्युट नेपाल (अफिन)का प्रदेश अध्यक्ष रामप्रसाद खरेलको सहभागिता रहेको थियो ।
