राष्ट्र बैंकको गभर्नरमा महाप्रसाद अधिकारी नियुक्त

राष्ट्र बैंकको गभर्नरमा महाप्रसाद अधिकारी नियुक्त

बुटवल २४ चैत्र /सरकारले राष्ट्र बैंकको गभर्नरमा महाप्रसाद अधिकारीलाई नियुक्त गरेको छ ।

सोमवार बसेको मन्त्रिपरिषद् बैठकले अधिकारीलाई गभर्नरमा नियुक्त गर्ने निर्णय गरेको हो ।

अर्थमन्त्री संयोजकत्वको सिफारिश समितिले अधिकारीको नाम पहिलो नम्बरमा राखेर ३ जनालाई सिफारिश गरेको थियो ।

समितिबाट सिफारिश भएका बहालवाला डेपुटी गभर्नर चिन्तामणि शिवाकोटी र पूर्वसचिव राजन खनाललाई पछि पार्दै अधिकारी नयाँ गभर्नर चुनिएका हुन् ।

सिफारिश समितिमा अर्थमन्त्री डा. युवराज खतिवडा, पूर्व गभर्नर विजयनाथ भट्टराई र पूर्वसचिव कृष्णहरि बाँस्कोटा सदस्य थिए ।

अधिकारी अघिल्लोपटक पनि गभर्नरमा सिफारिश भएका थिए, त्यतिबेला चिरञ्जीवी नेपाललाई गभर्नर नियुक्त गरिएको थियो ।

राष्ट्र बैंकका पूर्व डेपुटी गभर्नर समेत रहेका अधिकारी पछिल्लो समय लगानी बोर्डको प्रमुख कार्यकारी अधिकृतका रूपमा कार्यरत थिए ।

Share This
  • 18
  •  
  •  
  •  
  •  
  •  
  •  
  •  
  •  
  •  
    18
    Shares