पहिरोमा परेर गुल्मीमा १८ महिने शिशुको मृत्यु भएको छ । त्यस्तै सोही पहिरोमा परि ७ वर्षेया बालिका वेपत्ता भएकी छन् । गयरातीदेखि परेको अविरल बर्षाका कारण गुल्मीको ईस्मा गाउँपालिका वडा नं. १ मल्दीमा पहिरोले घर बगाउँदा बसन्त सारुको १८ महिने शिशु सुरजको ज्यान गएको हो । त्यस्तै सोही ठाउँका ईश्वरी खत्रीकी ७ वर्षीया छोरी अपेक्षा वेपत्ता भएकी छन् । पहिरोमा परि बसन्त सारु घाईते भएको जिल्ला प्रहरी कार्यालय गुल्मीले जनाएको छ ।
गएराती देखि परेको अविरल वर्षाका कारण सो ठाउँमा पहिरो गएको हो भने पहिरोमा परेकाको उद्धारकालागि प्रहरी तथा स्थानीय परिचालित भएको पनि प्रहरीले जनाएको छ ।
