नेपाली काँग्रेसको क्रियाशिल सदस्यता छानविन समितिले पार्टी सभापति शेरबहादुर देउवालाई पार्टीका क्रियाशिल सदस्यताको प्रतिवेदन बुझाएको छ ।
रमेश लेखक संयोजक रहेको ७ सदस्यीय समितिले तयार पारेको प्रतिवेदन मंगलबार प्रधानमन्त्री समेत रहेका पार्टी सभापति देउवालाई बुझाएको हो । सभापतिलाई बुझाएको प्रतिवेदन अनुसार नेपाली काँग्रेसको क्रियाशिल सदस्यको संख्या ८ लाख ५२ हजार ७११ पुगेको छ ।
समितिले करिव डेढ महिना लगाएर प्रतिवेदन तयार गरेको थियो । प्रतिवेदनमा समितिका सदस्य कल्याण गुरुङले भने फरक मत राख्नुभएको छ ।
