नेपाली कांग्रेसको १४ औं महाधिवेशन अन्तर्गत नगर अधिवेशनका लागि तिलोत्तमामा नगर सभापतिमा नारायण न्यौपानेले उम्मेदवारी घोषणा गर्नृ भएको छ । शुक्रबार पत्रकार सम्मेलन गरी न्यौपानेको नेतृत्वमा उपसभापतिमा अशोक कुमार क्षेत्री (अग्नी) र मधुसुदन गैरे, सचिवमा प्रकाश गैरे र शोभा राना मगर, सहसचिवमा दिनेश कंवर थारु र केशरी उपाध्यायले पनि उम्मेदवारी घोषणा गरेका हुन् । सभापतिका उम्मेदवार न्यौपाने तिलोत्तमा ९ का वडा अध्यक्ष समेत हुनुहुन्छ । उहाँले साविवका सात वटै गाविसबाट एक एक जनाको प्रतिनिधित्व हुने गरी समावेशी हिसाबले प्यानल बनाएको बताउनु भयो ।
सिंगो तिलोत्तमालाई कांग्रेसमय बनाउने,गुटबन्दीको अन्त्य गरी पार्टीलाई एक ढिक्का बनाई आउंदो स्थानीय चुनावमा पार्टीलाई विजयी बनाउन गतिशील युवाको नेतृत्वको खांचो रहेकाले आफूले नगर सभापतिमा उम्मेदवारी दिएको बताउनु भयो ।
उहाँले आफू कुनै गुटको नभई नेपाली कांग्रेसको साझा उम्मेदवार रहेको बताउनु भयो । न्यौपानेले आफू एकपटक मात्र सभापति निर्वाचित हुने र नगरपालिकामा कांग्रेसको उपस्थिति बलियो बनाएर अर्को अधिवेशनमा नेतृत्व हस्तान्तरण गर्ने प्रतिवद्धता समेत गर्नु भएको छ ।
आफ्नो नेतृत्वमा तिलोत्तमा वडा नंंं ९ नगरकै उत्कृष्ट वडा घोषित भएको, आफ्नो विशेष पहलमा बीपी ग्राममा अस्पताल निर्माण शुरु गरेको बताउनु भयो । सो अवसरमा काँग्रेस रुपन्देहीका पुर्व जिल्ला सभापती रामचन्द्र ढकाल, वावुराम राना,अष्ठभुजा पाठक, हेमराज अर्याल लगायले सफलताको शुभकामना दिनु भएको थियो ।
