गृहमन्त्री बालकृष्ण खाँणलाई आफ्नो गृह जिल्ला साथै आफ्नो गृह नगर तिलोत्तमामा भव्यताका साथ स्वागत गरिएको छ । गृह मन्त्री बनेपछि पहिलोपटक सोमबार रुपन्देही आउनु भएका खाँणलाई तिलोत्तमा नगर पालिका वडा नं ८ उहाकै निवासमा कांग्रेस तिलोत्तमा नगर समितिले १५ किलोको मालाले स्वागत गरिएको हो ।
नगर सभापति हरिलाल पाण्डेको टिम लगाएत जिल्ला सभापति अब्दुल रज्जाकले खाँणलाई १५ किलोको मालाले स्वागत गरिएको हो । स्वागत कार्यक्रममा विहानै देखि कांग्रेसका नेता तथा कार्यकर्ताको बाक्लो उपस्थिति रहेको थियो ।
गृह मन्त्री भए पछि पहिलो पटक आफ्नो घर आई आमाको हात बाट टिका माला लगाई आशिर्वाद लिनु भएको हो । सरकारी कामको चापका कारण मन्त्री भएको करिव ३ महिना पछि गृह जिल्ला आउने अनुकुल मिले पनि समय अत्यन्त थोरै रहेकाले पुनः छिट्टै फर्कने उहाले जानकारी गराउनु भएको छ ।
भैरहवा विमानस्थलबाट कार्यकर्ताको ठूलो भीडसहित पार्टी कार्यालयसम्म लगिएका खांणलाई त्यहाँ पनि खादा मालाले सम्मान गरिएको हो । मन्त्री खाँणले सोमबार बुटवल ज्योतिनगर पहिरो अवलोकन,स्व प्रेम नारायण खरेलको शोमसभा र कांग्रेस नेता दीर्घबहादुर केसी कुमारको घरमा पनि पुगेर केसीको आमाको शोकसभामा सहभागी हुनुभएको थियो ।
