‘उपायसिटी कार्गो’को बुटवल भैरहवामा ढुवानी, लजिष्टिक सेवा विस्तार

1.1K

‘उपायसिटी कार्गो’को बुटवल भैरहवामा ढुवानी, लजिष्टिक सेवा विस्तार

तीन वर्ष अगाडि काठमाण्डौबाट सेवा सुरु गरेको ‘उपायसिटी कार्गो’ले बुटवल तथा भैरहवामा सेवा बिस्तार गरेको छ । ढुवानी तथा लजिष्टिक सेवा दिँदै आएको उपायसिटी कार्गोले काठमाण्डौ, पोखरा पछि बुटवल–भैरहवामा सेवा बिस्तार गरेको हो ।
मोवाईल एप, वेवसाईट, कलसेन्टरबाट समेत सेवा लिन सकिने गरि बुटवल भैरहवामा विस्तारित सेवा दिनको लागि सामानको तौल अनुसार टुह्वीलर, कार्गो भ्यान र टाटाको योद्धा तथा बलेरो प्रयोग गरिने उपाय सिटी कार्गोका अध्यक्ष तथा प्रवन्ध निर्देशक सुमन रायमाझीले बताउनु भयो ।
शुक्रबार बुटवलमा आयोजना गरिएको कार्यक्रममा उहाँले यो तीन वर्षको अवधिमा ८५ हजार जनालाई सेवा प्रदान गरिएको र करिव तीन हजार जना राईडर (ड्राईभर)ले रोजगारी प्राप्त गरेको जानकारी गराउनु भयो । उहाँले त्यसबाहेक आधा दिन एक दिनको लागि पनि गाडि बुकिङको सुविधा दिईएको बताउनु भयो । आगामी दुई वर्ष भित्रमा नेपालका मुख्य १० देखि १५ शहरमा सेवा विस्तार गरिने र एउटा भोलुममा ढुवानीको समेत व्यबस्था मिलाईने उहाँले बताउनु भयो ।

संस्थाका डाईरेक्टर, लजिष्ट्रिक अपरेटर सन्दिप सुवेदीले व्यक्तिगत देखि व्यबसायिक ढुवानीमा सहयोगी बन्नेगरी सेवा सुरु गरिएको बताउँदै आफूहरुले सुरु गरेको सेवामा घरमै बसेर सेवा लिन सकिने र छिटोछरितो तथा भरपर्दो सेवा दिईने बताउनु भयो । उहाँका अनुसार तौल र दुरीका आधारमा सेवा शुल्क निर्धारण गरिएको छ भने क्यास वा डिजिटल भुक्तानीबाट समेत गर्न सकिने छ । संस्थाले राईडरहरुको ट्रयाकिङ समेत गर्ने र बिग्रिनी, राईडर बिरामी पर्ने यावत समस्या भएमा तुरुन्तै अर्को व्यबस्था हुने भएकाले भरपर्दो समेत रहेको सुवोध थापाले बताउनु भयो ।
यो कार्यक्रममा युकेएड सीप परियोजनाले समेत सहकार्य गरेको छ । महिला तथा पिछडीएको समुदायको सीप तथा रोजगारी प्रवद्र्धनको लागि सीपले सहकार्य गरेको प्रोग्राम म्यानेजर नवान शेर्पाले बताउनु भयो । उहाँका अनुसार सीपले उनीहरुलाई तालिम प्रदान गर्न र तालिम पाएकालाई रोजगारीमा जोड्नेगरी सहकार्य गरेको हो ।
कार्यक्रममा बोल्दै बुटवल उद्योग बाणिज्य संघका अध्यक्ष उज्ज्वलप्रसाद कसजूले उपायसिटी कार्गोको सेवा बिस्तारसंगै आवश्यकताको परिपूर्ति हुने विश्वास व्यक्त गर्नुभयो । त्यसमा आफ्नो क्षेत्रबाट पूर्ण सहयोग हुने पनि विश्वास दिलाउनु भयो । त्यस्तै महिला उद्यमी, युवा उद्यमी मञ्च रुपन्देहीकी सदस्य शैलजा श्रेष्ठले उपायको सेवाले व्यक्तिगत रुपमा व्यबसायिक रुपमा समेत आवश्यकता परिपूर्ति हुने विश्वास व्यक्त गर्नुभयो ।