लागूऔषध मुद्दामा पक्राउ परेका र्यापर आशिष राना मगर ‘लाउरे’लाई ५० हजार रुपैयाँ धरौटीमा छाड्न जिल्ला अदालत कास्कीले आदेश दिएको छ । न्यायाधीश बाबुराम सुवेदीको इजलासले मंगलबार उनलाई ५० हजार रुपैयाँ धरौटीमा छाड्न आदेश दिएको हो ।
उनीसँगै पक्राउ परेका अन्य ३ जनालाई भने पुर्पक्षका लागि थुनामा पठाउन आदेश दिएको जिल्ला अदालतका सूचना अधिकारी निलप्रसाद पनेरुले जानकारी दिनुभयो ।
