युद्ध रोक्न आग्रह गर्दै शान्ति समाजद्वारा रुसी दुतावास अगाडि प्रदर्शन

202

युद्ध रोक्न आग्रह गर्दै शान्ति समाजद्वारा रुसी दुतावास अगाडि प्रदर्शन

रुसलाई तत्काल युद्ध रोक्न र शान्ति प्रवद्र्धन गर्न आग्रह गर्दै मानव अधिकार तथा शान्ति समाजले बुधबार रुसी राजदुतावास वालुबाटार अगाडि प्रदर्शन गरेको छ ।
दिउँसो १ बजेदेखि करिब आधा घण्टासम्म गरिएको प्रदर्शनमा शान्तिवादीहरुले रुस : युक्रेनमाथि अतिक्रमण बन्द गर, तत्काल सैनिक फिर्ता गर, युद्ध रोक, शान्ति प्रवद्र्धन गर भन्दै ध्यानाकर्षण गराएका थिए ।
प्रदर्शन पश्चात मानव अधिकार तथा शान्ति समाजका तर्फबाट रुसका राष्ट्रपति भ्लादिमिर पुटिनलाई लेखिएको पत्र नेपालस्थित रुसी राजदुतावासका अधिकारीलाई हस्तान्तरण गरिएको थियो ।
उक्त पत्रमा युद्धले करोडौं मानिसहरुको अधिकारमाथि घात गर्ने हुँदा कुनै पनि हालतमा युद्ध हुनु हुदैँन र शान्तिपूणर् तवरमा हरेक समस्याको समाधान खोजिनुपर्छ भन्ने शान्ति समाजको मान्यता रहेको उल्लेख गरिएको छ ।
‘केही समय अघि मात्र युक्रेनको सन्दर्भमा रुसले गरेको निणर्यबाट मानव अधिकार तथा शान्ति समाजमा आवद्ध दशौं हजार सदस्य तथा शुभचिन्तकहरु अत्यन्त चिन्तित तुल्याएको र मित्र राष्ट्र रुसलाई तत्काल सेना फिर्तासहित युद्ध रोक्न र शान्ति प्रवद्र्धन गर्नका लागि मानव अधिकार तथा शान्ति समाज विशेष आग्रह गर्दछ’ उक्त पत्रमा भनिएको छ ।
प्रदर्शनमा मानव अधिकार तथा शान्ति समाजका संस्थापक सभापति कृष्ण पहाडी, सभापति गोविन्द खनाल, सल्लाहकारहरु होमकान्त चौलागाई र उत्तम पुडासैनी, संस्थापक सदस्य कृष्ण कँडेल, महासचिव रामकृष्ण बराल, पूर्व उपसभापति रेनुका पौडेल, कोषाध्यक्ष जगन्नाथ पुडासैनी, सचिव बन्दना सिंह, अपिल समिति संयोजक बलबहादुर गाहा मगर र सदस्य ईश्वरा लिङदेन, केन्द्रीय सदस्यहरु चन्द्रमणी बञ्जारा र किरण ढकाल, पूर्व केन्द्रीय सदस्य दुर्गा राना (लक्ष्मी), काठमाण्डौ शाखा का.वा सभापति भगवान पुडासैनी, ललितपुर शाखा सभापति संजोग चाम्लिङ राई, चितवन शाखा सभापति शम्भु राउत, काठमाण्डौ शाखा पूर्व सभापति ईश्वर पुडासैनी, काठमाण्डौ शाखा सहसचिव रमेश बराल, आजीवन सदस्यहरु तुलसीराम भण्डारी, दिवाकर पुडासैनी, आरसी भण्डारी, विकास थापा लगायत चार दर्जनबढि शान्तिवादीहरुको सहभागिता रहेको थियो ।