होटल तथा रेष्टुरेन्ट व्यवसायी संघ रुपन्देहीको अध्यक्षमा लेखनाथ भण्डारी विजयी हुनु भएको छ । शनिबार बुटवलमा सम्पन्न संघको ११ औं अधिवेशनबाट अर्का उम्मेद्वार बाबुराम गौतमलाई ९८ मतले पराजित गर्दै अध्यक्षमा भण्डारी निर्वाचित हुनु भएको हो ।
अध्यक्षमा निर्वाचित भण्डारीले ५५० मत प्राप्त गर्दै अर्का उम्मेदवार गौतमले ४५२ मत प्राप्त गर्नु भएको थियो । अधिवेशनमा दुई प्यानल चुनावी मैदानमा थिए । परिणाम भने मिश्रीत आएको छ ।
संघको बरिष्ठ उपाध्यक्ष पदमा माधवकुमार खनाल, पर्यटन उपाध्यक्षमा रोमाकान्त पाण्डे, प्रथम उपाध्यक्षमा टंकप्रसाद पराजुली (प्रकाश) द्वितीय उपाध्यक्षमा प्रेमप्रसाद भट्टराई, महासचिवमा अर्जुन थापा, सचिवमा थमन बहादुर भण्डारी, सहसचिवमा मोहन बस्याल र सह कोषाध्यक्षमा माधव ढकाल निर्वाचित हुनु भएको छ ।
कोषाध्यक्ष पदमा भने यस अगाडि नै रामबहादुर न्यौपाने निर्बिरोध निर्वाचित हुनु भएको थियो । महासचिवमा निर्वाचित अर्जुन थापा, प्रथम उपाध्यक्षमा निर्वाचित प्रेमप्रसाद भट्टराई, सचिव थम्मन भण्डारी र सहसचिवमा निर्वाचित अर्जुन पोखरेल लेखनाथ भण्डारी प्यानलबाट उम्मेदवार बन्नु भएको थियो ।
त्यस्तै ११ कार्यसमिति सदस्य पदमा भने भण्डारी प्यानलबाट २ जना र गौतम प्यानलबाट ९ जना निर्वाचित भएका छन् । २०५६ सालमा स्थापना भएको संघमा हाल जिल्लाका १ हजार २०३ व्यवसायी आवद्ध छन् । त्यसमध्ये १ हजार ७० मत खसेको थियो ।
