सदस्यता त्यागको स्वघोषणा गर्न पुनः आह्वान

55

सदस्यता त्यागको स्वघोषणा गर्न पुनः आह्वान

नेपाल पत्रकार महासंघ रुपन्देहीले सदस्यता सुद्धिकरणको लागि मापदण्ड बाहेकका सदस्यहरुलाई सदस्यता त्यागको स्वघोपषणा गर्न यहि जेठको १७ गते सम्मको समय दिएको छ ।
नेपाल पत्रकार महासंघको “सदस्यता नविकरण शुद्धिकरण मापदण्ड–२०८०” का आधारमा नेपाल पत्रकार महासंघ रुपन्देहीका सदस्यहरुलाई मापदण्डमा पर्ने सदस्यहरुको नविकरण नहुने हुँदा त्यसभित्र पर्नेहरुले त्यागको स्वघोषणा गर्न आग्रह गरेको हो । त्यसरी सदस्यता त्यागको स्वघोषणा गर्नेलाई सम्मान गरिने महासंघ रुपन्देहीका सचिव विनोद परियारद्वारा जारी विज्ञप्तीमा उल्लेख गरिएको छ ।
सदस्यता त्यागको स्वघोषणा नगरेमा पनि मापदण्ड अनुसार शुद्धिकरण गरी सदस्यता नविकरण नगरिने महासंघ रुपन्देहीले जनाएको छ ।

महासंघले जारी गरेको विज्ञप्तीमा मापदण्ड अनुसार निम्न व्यक्तिहरुको सदस्यता नविकरण हुने छैन ।

पत्रकारितामा तीन वर्षदेखि सक्रिय नरहेको ।
राजनीतिक दलको कुनैपनि समितिको पदाधिकारी रहेको ।
जनप्रतिनिधि रहेको ।
सरकारी तथा सेवा आयोगको स्थायी, अस्थायी र करार सेवामा कार्यरत कर्मचारी ।
मिडिया संस्थान बाहेक अन्य संस्थानको कर्मचारी ।
कहिलेकाँही मात्र पत्रकारिता गर्ने, गैरसरकारी तथा बित्तीय क्षेत्रका कर्मचारी ।
मुख्य पेशा पत्रकारिता बाहेक अन्य पेशामा रहेकाहरु ।
सञ्चार माध्यममा व्यवस्थापक, बजार प्रतिनिधि, प्रशासनिक कर्मचारीहरु ।
राजनीतिक दलमा सक्रिय कार्यसमितिका पदाधिकारी सदस्यहरु ।
६ महिना भन्दा लामो समयदेखि विदेशमा रहेकाहरु ।
स्थानीय प्रदेश र संघीय निर्वाचनमा प्रत्यक्ष र समानुपातिक उम्मेद्वार भएकाहरु ।