एक महिना भित्रै काम सक्न ठेक्केदार कम्पनीलाई लुम्बिनी विकास काेषका उपाध्यक्ष लामाकाे निर्देशन

32

एक महिना भित्रै काम सक्न ठेक्केदार कम्पनीलाई लुम्बिनी विकास काेषका उपाध्यक्ष लामाकाे निर्देशन

लुम्बिनी विकास कोषका उपाध्यक्ष डा. ल्हारक्याल लामा प्रथम योल्मो खेन्पो (छिमे छिरिङ) ले लुम्बिनी गुरुयोजना क्षेत्रका निर्माणलाई एक महिनाभित्र सक्न निर्माण कम्पनीलाई निर्देशन दिनुभएकाे छ । सम्झौता अवधिभित्र सन्तोषजनक काम नभएपछि लुम्बिनी गुरुयोजना क्षेत्रका निर्माणधिन सडक, पार्किङ, गेट एंव विद्युत पोल र स्ट्रिक लाईटको बुधबार  निरीक्षण एंव अनुगमनपछि उपाध्यक्ष डा. लामाले एक महिनाभित्र काम सम्पन्न गर्न निदेर्शन दिनुभएकाे हाे ।
उपाध्यक्ष लामाले विश्वका बौद्धमार्गीहरुको आस्थाको केन्द्र लुम्बिनीको निर्माणधिन अधुरो सडकका कारण सास्ती पाएकाले हेलेचेक्रयाई नगर्न निर्माण कम्पनीलाई सचेत गराउनु भयाे । लुम्बिनी गुरुयोजना अन्तर्गत २ बर्षअघि ४४ किमि ड्रेन, १३ किमि सडक कालोपत्रे, १२ किमि सडक ब्लक, ८ वटा गेट र २२ सय पोल लगायतका स्ट्रिक लाईट निर्माणका लागि छुटाछुट्टै ४ निर्माण व्यवसायीले ठेक्का सम्झौता गरी काम गरीरहेका छन । सम्झाैता अनुसारकाे म्याद सकिनै लागेकाे छ ।
उपाध्यक्ष डा.लामाले निर्माण व्यवसायीलाई सचेत गराएको एक हप्ता पछि फिल्डमा गएर निमार्ण कार्यको अनुगमन तथा निरीक्षण गर्दा पनि काममा सुधार नभएपछि फिल्डबाटै निर्माण कम्पनीलाई फोन गरेर निर्देशन दिनुभएकाे हाे । उपाध्यक्ष लामा सहित स्थलगत निरीक्षण एंव अनुगमनमा सदस्य सचिव सानुराजा शाक्य, योजना प्रमुख सरोज भट्टराई, कार्यकारिणी सदस्य नेत्र शाही, परिषद सदस्य गोपिकृष्ण शर्मा सहितको टोली गएको थियो ।
निर्माण व्यवसायीसँग पहिलो चरणको ठेक्का सम्झौता सकिनै लाग्दा पनि कामको गती नबढेकाले एक महिनाभित्र भौतिक प्रगती बढाउनुपर्ने र वाहनाबाजी गरेमा म्याद थप नगर्ने उपाध्यक्षले लामाले चेतावनी दिनुभयाे । ‘यो पवित्र भूमि हो, बुद्धको जन्मस्थलमा पवित्र भावनाले काम गर्नुहोस्’ निर्माण व्यवसायीलाई उहाँले भन्नुभयाे-‘अब जेसुकै वाहना गरेपनि हामीले छोड्दैनौं, एक महिनाभित्र नतिजा ननिकाले कोषले अन्य कदम चाल्छ ।’
काममा सुधार नगरे ठेक्का सम्झौता नै रद्ध गर्न सक्ने उपाध्यक्षले चेतावनी दिनुभयाे । निर्माण कम्पनीहरुले तोकिएको समयमा काम नगरेको पाइएकाले कोषले सचेत गराएको सदस्य सचिव सानुराजा शाक्यले बताउनु भयाे । त्यस्तै योजना प्रमुख सरोज भट्टराईले कोषले यसअघि पनि पटक पटक सचेत गराएको र अहिले उपाध्यक्षले एक महिनाभित्र भौतिक प्रगती हासिल गर्ने गरी काम गर्न निर्माण व्यवसायीलाई निर्देशन भएकोे बताउनु भयाे । कोषका अनुसार ४ वटा निर्माण व्यवसायीमध्ये २ वटाले ५० देखि ५५ प्रतिशत र २ वटाको २८ प्रतिशत मात्रै भौतिक प्रगती देखिएको छ ।
ठेक्का सम्झौता लुम्बिनी अनक खड्का कृष्ण जेभी, लामा एपेक्स कमलजीत जेभी, रमन गजुरमुखी रामजानकी जेभी र खानी अर्घाखाँची बाबुल जेभीसँग लुम्बिनी विकास कोषले गुरुयोजनाअन्तर्गतका विभिन्न कामका लागि अलग–अलग ठेक्का सम्झौता गरेको थियो ।