प्रहरीले भन्सार छलेर नेपाल भित्र्याउँदै गरेको एक ट्रक प्याज सहित ट्रक चालक मायादेवी गाउँपालिका वडा नं. ७ का २० वर्षीय अविनाश यादवलाई पक्राउ गरेको छ । इलाका प्रहरी कार्यालय मर्चवारको टोलीले मर्चवारी गाउँपालिका वडा नं. ४ दुवौलीयाबाट यादवलाई पक्राउ गरेको हो ।
गस्तीमा रहेको प्रहरी टोलीले चेकजाँच गर्ने क्रममा भारतबाट अवैध रुपमा चोरी पैठारी गरी नेपाल ल्याउँदै गरेको पाईएकाले लु १ ख ७१२३ नम्बरको मिनि ट्रक सहित चालकलाई नियन्त्रणमा लिईएको प्रहरीले जनाएको छ ।
प्रहरीका अनुसार उक्त ट्रकमा २ लाख १९ हजार मुल्य बराबरको ७३ बोरा प्याज भन्सार छलेर चोरी पैठारी गरि नेपाल भित्र्याईँदै थियो । बरामद गरेको ट्रक र प्याज तथा नियन्त्रणमा लिईएका यादवलाई आवश्यक कारवाहीको लागि भैरहवा भन्सार कार्यालय वेलहिया बुझाईएको जिल्ला प्रहरी कार्यालय रुपन्देहीले जनाएको छ ।
