चलचित्र पत्रकार संघ रुपन्देहीले प्रदान गर्ने नवाेदित चलचित्र पत्रकारिता पुरस्कार पत्रकार ईन्द्र खत्री र एनवि कंडेल स्मृति चलचित्र पत्रकारिता पुरस्कार स्वर्गीय कृष्णबाबु पाण्डेलाई प्रदान गरिएकाे छ ।
चलचित्र पत्रकार संघ नेपालकाे २५ औं स्थापना दिवसकाे अवसरमा साेमबार चलचित्र पत्रकारिता सम्मान कार्यक्रमकाेलआयाेजना गरि नवाेदित चलचित्र पत्रकारिता पुरस्कार खत्री र एनवि कंडेल स्मृति चलचित्र पत्रकारिता पुरस्कार स्वर्गीय पाण्डेलाई मरणाेपर्यन्त प्रदान गरिएकाे हाे ।
उक्त पुरस्कार तिलाेत्तमा नगरपालिकाका प्रमुख प्रशासकीय अधिकृत नारायण अर्याल, नेपाल पत्रकार महासंघ रुपन्देहीका अध्यक्ष तथा संघका सल्लाहकार रामराज पाेख्रेल, संघका अध्यक्ष माेहन न्याैपाने, संस्थापक अध्यक्ष सुमन श्रेष्ठले संयुक्त रुपमा प्रदान गर्नुभयाे ।
नवाेदित चलचित्र पत्रकारिता पुरस्कार पत्रकार राशी ५ हजार रुपैंया र एनवि कंडेल स्मृति चलचित्र पत्रकारिता पुरस्कारकाे राशी १० हजार रुपैयां रहेकाे छ ।
कार्यक्रममा बाेल्दै तिलाेत्तमा नगरपालिकाका प्रमुख प्रशासकीय अधिकृत नारायण अर्यालले पत्रकारले गर्ने रचनात्मक आलाेचनाले रुपान्तरणमा याेगदान गर्ने विश्वास व्यक्त गर्दै सहकार्यका लागि सकारात्मक भूमिका निर्वाह गर्ने बताउनु भयाे ।
कार्यक्रममा बाेल्दै नेपाल पत्रकार महासंघ रुपन्देहीका अध्यक्ष रामराज पाेख्रेलले विधागत रुपमा क्षमता विकास गर्न विधागत रुपमा स्थापना गरिएका संघसंस्थाहरुकाे भूमिका महत्वपूर्ण हुने बताउनु भयाे ।
संघका अध्यक्ष माेहन न्याैपानेकाे अध्यक्षतामा भएकाे कार्यक्रममा संस्थापक अध्यक्ष तथा सल्लाहकार सुमन श्रेष्ठ, सल्लाहकार मनिस पन्थ, दिनेश पाण्डे, नेपाल प्रेस युनियन रुपन्देहीका अध्यक्ष कविन्द्र नेपाल, समाजवादी प्रेस संगठन रुपन्देहीका अध्यक्ष विनाेद परियार, प्रेस सन्टरकी सरु राना, संघका महासचिव विकाश गाैतम लगायतले पुरस्कृत पत्रकारलाई बधाई सहित शुभकामना व्यक्त गर्नुभएकाे थियाे ।
२०५६ जेठ ७ गते काठमाण्डाैमा स्थापना भएकाे चलचित्र पत्रकार संघ रुपन्देहीमा ७ वर्ष अगाडि २०७३ सालमा स्थापना गरिएकाे थियाे ।
