सहकारी ठगी प्रकरणमा थुनामा रहेका राष्ट्रिय स्वतन्त्र पार्टी (रास्वपा)का सभापति रवि लामिछाने र तत्कालीन गोर्खा मिडियाका सञ्चालक छविलाल जोशी सम्बन्धी मुद्दाको मिसिल झिकाउने आदेश उच्च अदालत तुलसीपुर बुटवल इजलासले दिएको छ ।
न्यायाधीशद्वय ओमप्रकाश अर्याल र बासुदेव आचार्यको संयुक्त इजलासले थप प्रमाणका लागि अन्य मिसिल समेत झिकाउन निर्देशन दिएको हो ।
यसअघि २० कात्तिकमा इजलासले सुरु मिसिल माग्ने आदेश दिएको थियो । पछिल्लो आदेशसँगै अदालतले अब नयाँ प्रमाण तथा सम्बन्धित कागजातहरू अध्ययन गरी आगामी सुनुवाइ अघि थप निर्णय गर्ने तयारी गरेको छ ।
सहकारी ठगी प्रकरणमा रवि लामिछाने, छविलाल जोशीसहितका विरुद्ध आरोपपत्र दर्ता भइसकेको छ । उनीहरूलाई गोर्खा मिडिया तथा सहकारीमार्फत सर्वसाधारणको ठगी गरेको आरोप लागिएको हो ।
मुद्दा उच्च अदालतमा विचाराधीन रहँदा अभियुक्त पक्षले आफूहरू निर्दोष रहेको दाबी गर्दै अदालतमा प्रमाण पेश गर्ने तयारी गरेको जनाइएको छ ।
अदालतले मिसिल अध्ययनपछि मुद्दाको अर्को सुनुवाइ मिति तोक्ने बताइएको छ ।
यो प्रकरण सहकारीमा लगानी गरेका सर्वसाधारणका करोडौँ रुपैयाँ ठगीसम्बन्धी मुद्दा भएकाले देशभरको ध्यान यसतर्फ केन्द्रित भएको छ ।
