वेस्टर्न मेगा कलेज, बुटवल–१५ ढवाहाका विद्यार्थीहरूले नयाँमिलस्थित दुर्गाशिव मन्दिर परिसरमा सरसफाइ तथा तीर्थालु सेवा कार्यक्रम सम्पन्न गरेका छन् । कलेजको छैटौँ सेमेस्टरमा अध्ययनरत विद्यार्थीहरूले सोमबार (साउन १८) श्रावण महिनाको अवसर पारेर मन्दिर परिसर सफा गर्नुका साथै दर्शनार्थी तथा तीर्थालुहरूलाई सेवा प्रदान गरेका हुन् ।
मन्दिर क्षेत्रको वातावरण स्वच्छ राख्ने, धार्मिक स्थलको संरक्षणमा योगदान पु¥याउने तथा समुदायप्रति उत्तरदायित्वबोध अभिवृद्धि गर्ने उद्देश्यले कार्यक्रम आयोजना गरिएको कलेजले जनाएको छ । कलेजका अनुसार साउन महिनाभर सञ्चालन हुने अभियानअन्तर्गत साउन २५ गते पर्रोहास्थित बोलबमधाम तथा पाल्पाको दोभानस्थित सिद्धबाबा मन्दिर परिसरमा पनि सरसफाइ कार्यक्रम सञ्चालन गरिनेछ ।
कलेजका प्राचार्य अधिवक्ता किसु शर्माले विद्यार्थीलाई सैद्धान्तिक शिक्षामा मात्र सीमित नराखी व्यावहारिक सीप, सामाजिक उत्तरदायित्व र समुदायप्रतिको सकारात्मक सोच विकास गराउन यस्ता सामाजिक तथा सिर्जनात्मक कार्यक्रमलाई निरन्तर प्राथमिकता दिँदै आएको बताए । यस्ता गतिविधिले विद्यार्थीहरूको व्यक्तित्व विकास, नेतृत्व क्षमता र सामाजिक सहभागिता थप सुदृढ हुने उनले विश्वास व्यक्त गरे ।
वेस्टर्न मेगा कलेजमा स्नातक तहमा चारवर्षे बिबिएस र बिएचएम तथा स्नातकोत्तर तहमा दुईवर्षे एमबिए कार्यक्रम सञ्चालन हुँदै आएको छ । कलेजले शैक्षिक सत्र २०८३ का लागि नयाँ भर्ना खुला भएको जानकारी पनि दिएको छ ।
