ईन्धन अभावले सवारी बसपार्कमै थन्कीए

ईन्धन अभावले सवारी बसपार्कमै थन्कीए

aaaaaaaबुटवल,असोज,२१ ।चाडवाडमा घर फर्कनेको भीडले भरिभराउ हुने बुटवलको बसपार्कमा अहिले तेल नभएका गाडि थन्किएर बसेका छन् भने तेल पाउने आशमा बुटवलका सडकमा लाम लागेर सार्वजनिक सवारीका साधन राखिएको छ ।
पेट्रोल पम्पले कुन बेला तेल वितरण गर्छ भन्दै सवारीका साधनहरुको लामै लाईन लाग्ने गरेको छ । ग्रामीण भेगमा जाने यात्रुको चाप हुने बेला बसपार्क सुनसान जस्तै बनेका छन् । यात्रुहरु समयमा गन्तव्यमा पुग्न नपाउदा अलपत्र छन् । दैनिक करिव १ हजार बस छुट्ने बुटवलबाट पछिल्ला दिनमा २ सयमा झरेको पश्चिम नेपाल बस व्यवसायी संघका अध्यक्ष दधि खरेल बताउनु हुन्छ ।
त्यसैगरि दैनिक २ हजार ट्रक आवत जावत गर्ने गरेका हाल १ सय पनि ट्रक नगुडेको ट्रक समितिका अध्यक्ष लोकराज पोखरेलले बताउनु भयो । एक÷दुई दिन यस्तै अवस्था रहे ग्रामीण भेगमा सबै यातायात सेवा बन्द हुने अवस्था रहेको छ । यस क्षेत्रबाट पहाडी जिल्लाहरुमा जाने सवारीका साधन निकै कम भएको र जनजिवन नराम्रोसँग प्रभावित बनेको छ । तेल अभावले जिल्ला भरको यातायात सेवा प्रभावित भएको बस व्यवसायी समितिका अध्यक्ष खरेलको भनाई छ । तेल नभएपछि गाडी थन्काएको हप्तादिन बढी भइसकेको र थन्केको सवारीका साधनलाई समितिले राहात दिनु पर्ने अवस्था आएको खरेलको भनाई छ । यता असहजको फाइदा उठाउदै कतिपय ठाउमा व्यवसायीले चर्को मूल्य लिएर यात्रु बोकेको गुनासो आएको छ ।

Share This
  •  
  •  
  •  
  •  
  •  
  •  
  •  
  •  
  •  
  •