सरिता गिरीद्वारा पार्टीबाट राजीनमा

397

सरिता गिरीद्वारा पार्टीबाट राजीनमा
asकाठमाडौं–अनिल झा अध्यक्ष रहेको संघीय सद्भावना पार्टीसँग एकीकरण गरेको एक वर्ष नबित्दै नेपाल सद्भावना पार्टीकी सहअध्यक्ष सरिता गिरीले पार्टीबाट राजिनामा दिएकी छन् ।

उनले २०७१ साल फागनु १७ गते अनिल झा संघीय सद्भावना पार्टीसँग एकीकरण गरी नेपाल सद्भावना पार्टी बनाएकी थिइन् ।
पार्टीका अध्यक्ष अनिल झाको पार्टीभित्रका क्रियाकलापबाट असन्तुष्ट गिरीले पार्टीले प्रधानमन्त्री चुनावमा भाग लिएको विरोध गर्दै पार्टीबाट राजिनामा दिएकी हुन् ।

उनले मधेशमा जारी आन्दोलनलाई कुनै निष्कर्षमा नपुर्याई संसदमा प्रधानमन्त्रीका लागि भएको चुनावमा पार्टीले भाग लिएको र जसका कारण मधेशको आत्मसम्मानमा गहिरो चोट पुगेको दाबी गरेकी छन् ।
तर, उनी नेपाल सद्भावना पार्टीले शुरु गरेको आन्दोलनको पक्षमा थिइनन् । उनले नाकाबन्दीको पनि विरोध गर्दै आएकी थिइन् ।

नेपाल सद्भावना पार्टी स्रोतका अनुसार पार्टी एकीकरण भएदेखि नै उनले नेतृत्वप्रति असन्तुष्टि जनाउँदै आएका थिइन् । पार्टीले बोलाएको बैठकमा पनि नआउने र मधेशमा भएको आन्दोलनमा पनि सहभागिता नदेखाउने सरिता गिरी मधेश आन्दोलन हुँदै गर्दा प्रधानमन्त्रीको चुनावमा भाग लिनु राम्रो नभएको भन्दै राजिनामा दिएको कुरा आफैमा अनौंठो रहेको पार्टीका एक नेताले बताए ।

पार्टीका अध्यक्ष अनिल झाले सरिता गिरीले पार्टीबाट राजिनामा दिएको कुरा नआफूलाई र पार्टीलाई केहि थाहा नभएको बताए ।