मोटरसाइकल चालकको मृत्यु

Lumbini Online October 28, 2015

12019845_455066491347118_3141406848687817997_n बुटवल , कात्तिक । रुपन्देहीमा मङगलबार साँझ भएको सवारी दुर्घटनामा एक जनाको मृत्यु भएको छ । पूर्व–पश्चिम राजमार्गअन्तर्गत बुटवल–१४ ढवाहामा बसले मोटरसाइकललाई ठक्कर दिँदा मोटरसाइकल चालकको मृत्यु भएको प्रहरीले जनाएको छ ।

पश्चिमबाट पूर्वतर्फ गइरहेको लु१ख ५९०५ नं को बसले सोही दिशातर्फ गइरहेको लु२२प ९३४६ नम्बरको पल्सर मोटरसाइकललाई ठक्कर दिँदा मोटरसाइकल चालक तिलोत्तमा नगरपालिका–१० करहिया बस्ने ३५ वर्षीय ओमप्रसाद चौधरीको मृत्यु भएको छ ।

दुर्घटनामा परी गम्भीर घाइते चौधरीको उपचारको क्रममा लुम्बिनी अञ्चल अस्पताल बुटवलमा मृत्यु भएको इलाका प्रहरी कार्यालय बुटवलले जनाएको छ