बुटवल ,कार्तिक । पुर्ब गृह राज्य मन्त्री एवंम् नेपाली कागं्रेसका नेता देबेन्द्रराज कण्डेलमाथी आज नवलपरासीमा आक्रमणको प्रयास भएको छ ।
भारतिय एक समुहको टोलीबाट जिल्लाको बडहरादुबैलीया ३ स्थित ललीतपुर गाउंमा स्थानिय शद्धीक कुजडाको घर अगाडी कण्डेलमाथी आक्रमणको प्रयास भएको हो ।
आफ्नो खेतीबारी हेर्न ललीतपुर पुग्न भएका कण्डेललाई २ वटा मोटरसाईकलमा आएको भारतिय समुह मध्ये एक जनाले पछाडीबाट पेस्तोल ताकी आक्रमणको प्रयास गरेको थिए ।
आफुहरुलाई सो टोली मध्येका भारत महाराजगन्ज ठुठीबारी निवासी उज्जल सिंह ( गणतौला )ले पेस्तोल तोकेपछि स्वयंम् कण्डेल र कण्डेलका अङ्गरक्षक प्रहरी नायव निरिक्षक दिपक घिमिरेले संयुक्त रुपमा सिंहलाई प्रतिकार गर्न सफल भएको कण्डेलले जानकारी दिनुभयो ।
आक्रमणका प्रयास गर्ने मुख्य नाईके सिंह सहित भारत महाराजगन्ज राजाबारीका जोगेन्द्र पासवानलाई स्थानियबासीको सहयोगमा प्रहरीले पक्राउ गर्न सफल भएको छ ।
प्रहरीले कण्डेलमाथी आक्रमणको प्रयास गर्ने मध्येका २ जनालाई ६ राउण्ड गोली र प्रस्तोल सहित नियन्त्रणमा लिएको प्रहरी उपरिक्षक नल प्रसाद उपाध्यायले बताउनुभयो ।
कण्डेल नेपाली कागं्रेस नवलपरासीका जिल्ला सभापति समेत रहनुभएको छ । आक्रमण गर्ने प्रयास गर्ने टोलीका २ जना पक्राउ परेका छन् । भने अन्य २ जना फरार भएका छन् । पक्राउ परेका सिंह कण्डेलको टाढांको नातेदार रहेको बुझिएको छ ।
कण्डेल माथी यस अगाबै माओबादी द्धन्द्धकालमा समेत काठमाण्डौमा आक्रमणको प्रयास भएको थियो । द्धन्द्धकालमा गोली लागेका कण्डेलको शरीरमा अझै पनि एक राउण्ड शरीरबाट झिक्न बाकी छ ।
यसैबिच घटनाको नेपाली कागं्रेस नवलपरासी र रामग्राम नगर कार्यसमितीले बिज्ञप्ती जारी गरेर घोरभत्र्सना गरेको छ ।
