प्रधानमन्त्रीको सम्बोधन-वार्ताबाट समस्याको समाधान गर्न सरकार तयार

294

प्रधानमन्त्रीको सम्बोधन-वार्ताबाट समस्याको समाधान गर्न सरकार तयार

Kp-oli2

काठमाडौँ,/प्रधानमन्त्री केपी शर्मा ओलीले तराई मधेसमा आन्दोलनरत दलसँग सहमतिका आधारमा अगाडि बढ्न सरकार तयार रहेकाले सार्थक वार्ताका लागि आह्वान गरेका छन्।मन्त्रिपरिषद्का सदस्यहरु र नेपाल सरकारका उच्च पदस्थ अधिकारीको उपस्थितिमा प्रधानमन्त्री निवास बालुवाटारबाट  देशबासीका नाममा सम्बोधन गर्दै उनले जारी वार्तालाई सार्थक निष्कर्षमा पुर्‍याउन वार्ता र सम्वादका माध्यमबाट अगाडि बढ्न आन्दोलनरत पक्षलाई आह्वान गरेका हुन्।संविधान गतिशील दस्तावेज भएकाले सुधार र विकास गर्न सकिने थुप्रै आधारहरु रहेका छन् भन्दै प्रधानमन्त्री ओलीले जायज माग र जनताको भावनाअनुसार अगाडि बढ्न सरकार तयार रहेको बताए।विगतका क्रान्ति र जनआन्दोलनका उपलब्धि नयाँ संविधानले संस्थागत गरेको अन्तरवस्तुका हिसाबले नेपालको संविधान अन्तर्राष्ट्रियस्तरमा समेत उल्लेखनीय र लोकतान्त्रिक भएको उनले बताए।शान्ति प्रक्रिया पूरा भएको, एक दशक लामो सङ्क्रमणकाल अन्त्य भएको सन्दर्भ जोड्दै प्रधानमन्त्री ओलीले भने,‘नयाँ संविधानले सबै नेपालीका लागि समान अवसर प्रत्याभूत गरेको छ, सबै जाति, भाषा, लिङ्ग र क्षेत्रको अधिकार सुनिश्चित गरेको छ।’संविधान जारी गर्दा अमानवीय नाकाबन्दी बेहोर्नुपर्ला भन्ने आफूलाई नलागेको स्पष्ट पार्दै उनले विगत डेढ महिनादेखि अकल्पनीय पीडा बेहोर्न बाध्य भए पनि नेपाली जनताले देखाएको सुझबुझप्रति प्रधानमन्त्रीले आभार प्रकट गरे।युद्धका बेलासमेत नदेखिने सङ्कट भोग्नु परेको भन्दै उनले मानवीय सम्वेदना भएका जोकोहीले पनि अघोषित नाकावन्दीको सहजै अनुमान गर्नसक्ने स्पष्ट पारेका थिए।