ब्रसेल्समा दुइ खतरनाक आतंकारीको खोजि तिब्र ,यूरोपियन राजधानी ‘भूतको शहर’ जस्तै(थप अपडेट सहित )

566

ब्रसेल्समा  दुइ खतरनाक आतंकारीको खोजि तिब्र ,यूरोपियन राजधानी  ‘भूतको शहर’ जस्तै(थप अपडेट सहित )

बेल्जियम
मंसिर ६

अपडेट

(बेल्जियमका प्रधानमन्त्री चार्ल्स मिसेलले आज साझ पुन ब्रसेल्सको सुरक्षा खतराको स्थिति ‘४ ‘मै रहने घोषणा गरेका छन | भोलि दिउसो सुरक्षा अधिकारी संगको नया बिश्लेष्णको लागि छलफल गरिने छ |’ भोलि पनि ब्रसेल्समा मेट्रो चल्नेछैनन र सबै बिध्यालय,विश्वविद्यालयहरु पूर्ण रुपमा बन्द हुनेछन |’ प्रधानमन्त्री मिसेलले भने ‘ सबैको लागि यो अवस्था कठिन छ भन्नेमा हामि सजग छौ |हामि सबै सुरक्षाबल तथा जनताहरुलाई धन्यबाद दिन चाहन्छौ| हामी सर्बसाधारणलाइ पनि उनीहरुको स्थिरता र सहयोगको लागि धन्यबाद दिन्छौ|’
त्यस्तै गरेर प्रहरी प्रसासनले सबैलाई झ्याल धोका बन्द गरेर घरभित्र बस्न सुचित गरिरहेको छ | साथै होटेल रेस्टुरेन्ट क्याफेहरू बन्द गर्नको लागि प्रहरीले आग्रह गरेको छ | प्रसासनले सर्वसाधारणहरुलाई आफ्ना गतिबिधि तथा अन्य कुराहरु सामाजिक संजालमा नराखेर मौन बस्न भनेको छ | यी कार्य गरी सबैलाई प्रहरी प्रशासनलाइ सक्दो सहयोग तथा सम्मान गर्न अपिल पनि गरियको छ |
त्यस्तै गरेर ब्रसेल्स स्थित रेडिसन ब्लु होटेलको नजिक प्रहरी कारबाही चलिरहेको छ | होटलका सबै पाहुनाहरु होटेल भित्र रहन आग्रह गरियको छ | त्यहा प्रहरीले कारबाही किन गरिरहेको छ भन्ने कुरा अझै सम्म खुल्न नसकेको यहा स्थित संचार माध्यमहरुले बतायका छन |)

बेल्जियमका सुरक्षा अधिकारीहरुले कम्तिमा दुइ खतरनाक आतंककारीहरुलाई राजधानी ब्रसेल्समा खोजिरहेका छन | ब्रसेल्स क्षेत्रमा पर्ने स्कारबेकका नगरप्रमुख क्लेर्फीटले आज संचार माध्यमहरु संग बोल्दै उक्त कुरा बतायका हुन् | जसमा खोजि गरियका आतंककारी मध्य एक सलाह अब्देसलाम रहेका छन | पेरिस आक्रमण पछि सलाम सिधै बेल्जियम आयको यहाका सुरक्षा अधिकारीहरुलाई उधृत गर्दै संचार माध्यमहरुले प्रस्ट पारेका हुन् |

‘यहा सुरक्षा स्थित धेरै खतरा बिन्दुमा पुगेको हामीले प्रधान मन्त्रीको मुख बाट सुनिसकेका छौ |ब्रसेल्स क्षेत्रमा दुइ खतरनाक आतंककारी रहेको र जुनसुकै खतरनाक कार्य गर्ने सक्ने अनुमान रहेको छ |’क्लेर्फीटले भने ”हामि सबै तिरबाट चनाखो रहिरहनु जरुरि रहेको छ |जब सम्म खतरा मुक्त हुदैनौ तबसम्म सबैजना धेरै होसियार हुनुपर्दछ |’

केहि दिन अगाडी पेरिस घटनाका मुख्य आतंककारी सलाह अब्देसलामका दाजुलाइ छानबिनका लागि यहाका सुरक्षा अधिकारीहरुले घरबाटै पक्राउ गरेका थिय | आज बेल्जियम स्थित एक टेलिभिजनलाइ अन्तर्वार्ता दिदै उनले आफ्नो भाई जेलमा रहोस भनेर चाहेको बतायका छन | ‘पेरिस आक्रमण हुनु भन्दा अघिल्लो दिन आफ्नो भाइको बारेमा कुनै खबर सुचना समेत पायको थियन |उ जानु भन्दा ३ दिन अघि मात्रै उ संग मेरो भेट भयको थियो | तर अन्य कुनै संकेत देखियको थियन |मेरो सबै कुराहरु भाईसंग हुने गर्थ्यो |’उनले भने ‘भाइलाई हामीले नै संरक्षण दियको भनेर चौतर्फी दबाब आयको छ |पेरिस घटना बाट हामि सबै दुखि छौ ,आस छ यो अन्धकार इतिहासको अन्त्य छिट्टै हुनेछ |मेरो भाई जेलमा परेको मा छिट्टै देख्न पाउनेछु ‘|

हिजो देखि यूरोपियन राजधानी ब्रसेल्सलाइ सबैभन्दा धेरै सुरक्षा खतराको स्तर ‘४’ मा राखियको थियो | बेल्जियमका प्रधानमन्त्री चार्ल्स मिसेलले जारि गरेको बिज्ञप्तिमा सुरक्षा खतराको स्तर वृद्धि गरियको जनाईयकोथियो भने ब्रसेल्समा सबै ठाउहरुमा सेना परिचालन गरियको छ | पेरिसमा घटेको घटना जस्तै हुन सक्ने भन्दै सतर्कता अपनाइएको अधिकारीहरूले जनाएका छन |अन्तर्राष्ट्रिय ट्रेनका यात्रीहरूको परिचय-पत्र जाँच र सामान जाँच गरिएको छ । अहिले ब्रसेल्स सहर सुनसान रहेको छ | मानिसहरुको आवतजावत सुन्य जस्तै रहेको छ भने सबै पसलहरु बन्द रहेका छन | सडकमा सैनिक र प्रहरीहरु मात्रै रहेका छन | सधै चहलपहल भइराख्ने शहर हिजोदेखि भूतको सहरमा परिणत भयको छ |अहिले ब्रसेल्सलाइ धेरैले भूतको सहर भनेर टिकाटिप्पणी गर्न थालेका यहा स्थित बिभिन्न संचारमध्यमहरुले बतायका छन |

opsporing