पूर्व राजा ज्ञानेन्द्र शाहले प्रदेश पाँचका बिभिन्न मठमन्दिरमा दर्शन गर्दै

पूर्व राजा ज्ञानेन्द्र शाहले प्रदेश पाँचका बिभिन्न मठमन्दिरमा दर्शन गर्दै

पूर्व राजा ज्ञानेन्द्र शाहले प्रदेश पाँचका बिभिन्न जिल्लामा एक हप्ता लामो भ्रमण तय गर्नुभएको छ । पूर्व राजा शाहले यहि मंसिरको १५ गतेदेखि २२ गतेसम्म प्रदेश पाँचका जिल्लाहरु रुपन्देही नवलपरासी, कपिलबस्तु र पाल्पा जिल्लामा धार्मिक मठमन्दिरमा दर्शन गर्ने कार्यक्रम रहेको भ्रमण कार्यक्रम प्रचार प्रसार समितिले जनाएको छ ।
पूर्व राजा शाहको. भ्रमण कार्यक्रम अनुसार मंसिर १५ गते अपरान्ह उहाँ भैरहवा विमानस्थल आउनुहुनेछ । भोलीपल्ट १६ गते रुपन्देहीको सैनामैनामा रहेको पर्रोहा बोलबम धामको भ्रमण गर्ने कार्यक्रम छ । त्यस्तै १७ गते रुपन्देहीको मर्चवार स्थित मर्चवारीमाई मन्दिर, १९ गते पाल्पा तानसेनको भगवती मन्दिर, २० गते कपिलबस्तु गोरुसिंगेको पशुपति मन्दिर र २१ गते नवलपरासीको पाल्ही स्थित पाल्ही भगवती मन्दिरमा दर्शन गर्ने कार्यक्रम तय भएको सवारी व्यबस्थापन समितिका संयोजक शक्तिप्रसाद सापकोटाले जानकारी गराउनु भयो ।
उहाँको भ्रमणमा तय गरिएको सबै कार्यक्रम दिउँसो ३ बजे हुनेछन् । पूर्व राजाको भ्रमण कार्यक्रममा उहाँलाई स्वागतका लागि आम नागरिकलाई सो समितिले आह्वान गरेको छ । त्यसबाहेक भ्रमणमा रहँदा रुपन्देहीको तिलोत्तमा स्थित टाईगत प्यालेस रिसोर्टमा बस्नुहुनेछ । धार्मिक मठमन्दिरको दर्शनकालागि विशुद्ध व्यक्तिगत भनीएपनि राजनीतिक भेटघाट समेत हुने आँकलन गरिएको छ । संयोजक सापकोटाले पूर्व राजा शाहको विशुद्ध व्यक्तिगत र धार्मिक भ्रमण भएको बताउनु भयो । उहाँले भ्रमणका क्रममा आउँदा राजनीतिक व्यक्तिहरुले पनि चाहनेको खण्डमा भेटघाट गर्न सक्ने बताउनु भयो ।

Share This
  • 148
  •  
  •  
  •  
  •  
  •  
  •  
  •  
  •  
  •  
    148
    Shares