गुल्मीका पत्रकार शिवलाल सुवेदी बिरुद्ध जवरजस्ती करणीको अभियोगमा जिल्ला प्रहरी कार्यालय रुपन्देहीमा मुद्धा दर्ता भएको छ । आफूमाथी जवरजस्ती करणी गरेको अभियोग सहित पिडित युवतीले पत्रकार सुवेदी बिरुद्ध मुद्धा दर्ता गरेकी हुन् ।
यहि मंसिर १ देखि ३ गतेसम्म लुम्बिनीमा आयोजना गरिएको लुम्बिनी न्यूज फेष्टिवलमा सहभागि हुन आएका सुवेदीले होटलको कोठामा आफूमाथि जवरजस्ती करणी गरेको प्रहरीलाई बताएकी छन् । पिडित युवतीले पत्रकार सुवेदी बिरुद्ध दिएको मुद्धा बुधबार दर्ता भएको जिल्ला प्रहरी कार्यालय रुपन्देहीका प्रवक्ता प्रहरी नायव उपरिक्षक खड्गबहादुर खत्रीले बताउनु भयो ।
पिडित युवतीका अनुसार उनी अर्की एक जना पत्रकारसंग लुम्बिनी पुगेकी थिईन् । उक्त कोठामा उनीहरुलाई पु¥याउनकालागि सुवेदी गाडी लिएर गएका थिए । केही खानेकुरा खाएपछि दुई बहिनीसंगै बस्ने भनेर लुम्बिनी पु¥याएकी साथी एकैछिनमा आउने भन्दै बाहिरिएकी थिईन । तर उनी आउन त परैको कुरा बाहिरबाट चुक्कुल लगाएर गएको पिडित युवतीले नजिककाहरुसंग बताएकी छन् ।
उनीहरुले मोवाईल अफ गरेको र संगै लगेकी साथी कोठामा नआएपछि होटलवालाले सोधपुछ गरेको थियो । पिडित युवतीले आफूमाथि करणी भएको अन्यपत्रकारहरुलाई भनेपछि घटनालाई सामसुम पार्ने प्रयास गरिएको थियो । यद्यपी पिडित युवतीले न्यायको अनुभूति नगरेपछि न्यायकालागि मुद्धा दर्ता गरेको बताएकी छन् ।
लुम्बिनी घुमाउन र पत्रकार बनाउने बहानामा आफूलाई लुम्बिनी पु¥याएर जवरजस्ती करणी भएको पिडित युवतीले बताएकी छन् । प्रहरीले उनीहरुको खोजी तथा अनुसन्धान सुरु गरेको बताएको छ । अहिले पत्रकार सुवेदी र लुम्बिनी पु¥याउने महिला संपर्क बिहिन भएको प्रहरीले जनाएको छ ।