बुटवल–पाल्पा सडकको सिद्धबाबामा एक महिना भित्र सुरुङ् मार्गको टेण्डर हुन्छ : मन्त्री नेम्वाङ्

बुटवल–पाल्पा सडकको सिद्धबाबामा एक महिना भित्र सुरुङ् मार्गको टेण्डर हुन्छ : मन्त्री नेम्वाङ्

भौतिक पूर्वाधार तथा यातायात मन्त्री बसन्तकुमार नेम्वाङ्ले सिद्धार्थ राजमार्गको बुटवल–पाल्पा अन्तरगत सिद्धबाबा सडक खण्डमा एक महिना भित्र सुरुङ् मार्गको टण्डर हुने बताउनु भएको छ ।
उत्तर दक्षिण तराई र पहाडलाई जोड्ने बहुप्रतिक्षित उक्त सडकमा करिव १ किलोमिट भन्दा बढी लम्बाईको सुरुङ् मार्ग निर्माणकालागि डिपिआर निर्माणको काम पुरा भएको र एक महिना भित्रै टेण्डर आह्वान हुने मन्त्री नेम्वाङ्ले बताउनु भएको हो । प्रेस संगठन नेपाल रुपन्देहीले आईतबार बुटवलमा आयोजना गरेको पत्रकार सम्मेलनमा बोल्दै मन्त्री नेम्वाङ्ले सुरुङ् मार्ग निर्माणकालागि लगानी सुनिश्चितता भईसकेकाले टेण्डर प्रकृया पुरा भएपछि निर्माणको काम समेत तत्कालै सुरु हुने बताउनु भयो ।
यस क्षेत्रमा भएका पूर्वाधार निर्माणको स्थलगत अवलोकनकालागि आउनु भएका भौतिक पूर्वाधार तथा यातायात मन्त्री नेम्वाङ्ले भैरहवा लुम्बिनी सडकमा समयमा निर्माण पुरा नगरेको भन्दै निर्माणको जिम्मा लिएको ठेक्केदार कम्पनीसंग दुई वटा पुलको ठेक्का रद्ध गर्ने समेत उहाँले जानकारी गराउनु भयो । त्यस्तै आगामी दुई वर्ष भित्रै सक्नेगरी भैरहवा लुम्बिनी सडकका ५ वटै पुललाई सडक साईजमा ४ लेनमा एक्सपान्सन गरिने उहाँले बताउनु भयो ।
उहाँले रुपन्देही, नवलपरासी र कपिलबस्तु प्रदेश पाँचका तीन जिल्लामा ७० वटा मोटरेवल पुर निर्माणाधिन रहेको र ३५ वटा पुल यसै आर्थिक वर्षमा निर्माण पुरा गर्नकालागि आयोजनाका प्रमुखहरुलाई निर्देशन गरेको जानकारी गराउनु भयो । त्यस्तै नेपाल भ्रमण वर्ष २०२० लाई मध्येनजर गरेर लुम्बिनी तथा आसपासका निर्माणधिन सडकहरुमा यहि डिसेम्बर भित्रै धुलो नउड्नेगरी व्यबस्थापन मिलाउन निर्देशन गरेको पनि जानकारी गराउनु भयो ।
जंगलका रुख कटान तथा जग्गा प्राप्तमा समस्या भएका कारण नारायणगढ–बुटवल सडक निर्माणमा ढिलाई भएको बताउँदै ती समस्या समाधान भईसकेकाले अव निर्माणको कामले गति लिन बताउनु भयो । त्यस्तै उहाँले आगामी आर्थिक वर्षबाट पूर्वपश्चिम रेलमार्ग निर्माणको काम समेत अंगाडी बढ्नले उल्लेख गर्नुभयो ।

Share This
  • 9
  •  
  •  
  •  
  •  
  •  
  •  
  •  
  •  
  •  
    9
    Shares