समाचार प्रशारण नगरेको भन्दै रेडियो परासीमा आक्रमण

372

समाचार प्रशारण नगरेको भन्दै रेडियो परासीमा आक्रमण

1494
नवलपरासी,मंसिर ।
नवलपरासीको परासीमा रहेका सामुदायीक  रेडियो परासीमा गएराती पेट्रोल बम प्रहार गरिएको  छ  ।  गएराति करिव दश बजेको समयमा अज्ञात समुहले रेडियो स्टेशनमा पेट्रोल बम प्रहार गरेको रेडियोले जनाएको छ  । पेट्रोल बम बाट रेडियोमा  रहेको लु १८ प ४००१ नम्बरको मोटरसाईकलमा आगजनी भएको  छ ।

आगलागिबाट मोटरसाईकल पुर्ण रुपमा ध्वस्त भएको छ । पेट्रोल बम प्रहार गर्नु अघि ९८५७०४५८९४ नम्बरको मोवाईलबाट रेडियोमा फोन गरि धम्की पनि दिईएको    थियो ।

यस्तै मधेसमा जारी आन्दोलनको क्रममा पटक पटक धम्की पनि आउने गरेको थियो । रेडियो स्टेशनमा भएको यस किसिमको घटना प्रति सामुदायिक रेडियो परासीका अध्यक्ष सुमन गोपाल आर्चायले घटनाको घोर भत्र्सना गर्नुभएको छ ।

यसैविच रेडियोले आज देखि अनिश्चीतकालका लागि प्रसारण बन्द गरेको छ । रेडियो स्टेशनको सुरक्षा नभएको तथा पटक पटक धम्की आउने क्रम जारी रहेकाले रेडियो सन्चालन गर्न सक्ने स्थीती नआएपछि आज विहान साढे ६ बजे देखि अनिश्चीतकालका लागि रेडियोको प्रसारण बन्द गरिएको रेडियोका प्रवन्ध निर्देशक मेघराज गौतमले बताउनुभयो ।