रुपन्देही लनटेनिस संघको अध्यक्षमा सञ्जय श्रेष्ठ सर्वसम्मत

रुपन्देही लनटेनिस संघको अध्यक्षमा सञ्जय श्रेष्ठ सर्वसम्मत

रुपन्देही लन टेनिस संघको प्रथम अधिवेशनवाट सञ्जय श्रेष्ठको अध्यक्षतामा नयाँ नेतृत्व चयन भएको छ । समितिको उपाध्यक्षमा मनोज वस्नेत, सचिवमा गोपाल ज्ञवाली र कोषाध्यक्षमा अनिल सेन्चुरी निर्वाचित हुनु भएको छ । त्यसैगरि समितिको सदस्यमा अवदुल सहमद मियां, सबर मियां, रामबहादुर विक र भिष्म काउचा निर्वाचित हुनु भएको निर्वाचन समितिका संयोजक दीपक न्यौपानेले बताउनुभयो ।
त्यसअघि संघको दोस्रो साधारण सभा तथा प्रथम अधिवेशनमा लन टेनिस एशोसियसनका केन्द्रिय महासचिव मनोहरदास मनुले बुटवलमा लन टेनिसका लागि पुर्वाधार उत्कृष्ट रहेको बताउदै नयाँ खेलाडी उत्पादनमा जोड दिनु भयो । उहाँले बुटवलमा ६ वटा लन टटेनिसका कोड बनाएपछि अन्तर्राष्ट्रिय प्रतियोगिता गर्न पाईने भएकाले त्यसतर्फ ध्यान दिन नेतृत्वलाई आग्रह गर्नु भयो । महासचिव मनुले विद्यालय तहबाट टेनिस खेललाई प्राथमिकतामा राखेर खेलाडी उत्पादन गर्नु पर्ने बताउनु भएको हो ।
संघका सल्लाहकार तथा ओलम्पिक कमिटीका सदस्य दीर्घबहादुर केसी कुमारले लन टेनिस खेलकोलागि पुर्वाधार विकास भएको तर खेलाडी उत्पादन हुन नसकेको भन्दै खेलाडी उत्पादनमा ध्यान दिन आग्रह गर्नुभयो । बुटवल उपमहानगर नगरखेलकुद विकास समितिका संयोजक नन्दु काउचाले नगरमा संचालित सवै खेलकुदका संघ संस्थालाई नगरसमितिमा आवद्ध हुन आह्वान गर्नुभयो ।
संघका अध्यक्ष अशोक गुरुङ्को अधयक्षतामा भएको कार्यक्रममा नेपाल जेसीसका पुर्व अध्यक्ष अनुपमान सैजु, देवसिद्ध समाज सुधार समितिका पुर्णानन्द गिरी, संघका प्रेस सल्लाहकार दीपक न्यौपाने, उपाध्यक्ष मनोज वस्नेत, सचिव गोपाल ज्ञवाली लगायतले भनाई राख्नुभएको थियो ।

Share This
  • 7
  •  
  •  
  •  
  •  
  •  
  •  
  •  
  •  
  •  
    7
    Shares