बुटवलमा कोरोना संक्रमितको संख्या २५८ पुग्यो,कुन वडामा कति ? (विवरण सहित)

Lumbini Online August 28, 2020

खेमानन्द पाठक / बुटवल । बुटवलमा पछिल्लो २४ घन्टामा थप २४ जनामा कोरोना भाइरस (कोभिड–१९) को संक्रमण पुष्टि भएको छ । जसमा पुरुष १४ छन् भने महिला १० जना रहेका छन् । यो सहित बुटवल उपमहानगरपालिका भित्र कोरोना संक्रमितको संख्या २५८ जना पुगेको छ । कोरोनामुक्त भएर घर फर्कनेको संख्या ५१ जना रहेको छ । बाँकि रहेका २०७ जना नगरपालिकाले निमार्ण गरेको संस्थागत आइसोलेसन तथा होम आइसोलेसनमा रहेका छन् ।

बुटवल उपमहानगरपालिकाका जनस्वास्थ्य अधिकृत कुन्दन कुमार सिंहले दिएको जानकारी अनुसार बिहिबार ४ बजे सम्मको तथ्यांकअनुसार वडा न ३ मा १ जना, वडा न ५ मा १ जना, वडा न ६ मा १ जना, वडा न ८ मा १ जना, वडा न ९ मा ८ जना, वडा न १२ मा ४ जना, वडा न १३ मा २ जना र वडा नखुलेका ६ जना गरि २४ जनामा कोरोना पोजेटिभ देखिएको छ ।

पछिल्लो २४ घन्टामा बुटवल उपमहानगरपालिकामा ७ जना कोरोनामुक्त भएर घर फर्किएका छन् ।
वडागत संक्रमितको विवरण