बहुमतको सरकार गठनका लागि राष्ट्रिपतिले दिएको समयसिमा सकिनै लाग्दा काँग्रेस माओवादी केन्द्रले वैकल्पिक सरकार गठनको दावी नगर्ने निश्कर्ष निकालेका छन् । काँग्रेस माओवादीको यो निर्णयले फेरी एमाले अध्यक्ष केपि ओली नै प्रधानमन्त्री बन्ने प्रायः निश्चित भएको छ ।
नेपाली काँग्रेस, माओवादी केन्द्र र जनता समाजवादी पार्टी मिलेमा बहुदलको सरकार बनाउन सकिने भएपनि जनता समाजवादी पार्टीमा सरकार गठनको विषमा विवाद भएकाले नयाँ सरकारको दावी नगर्ने निश्कर्षमा दुई दल पुगेका हुन् ।
एमालेमा असन्तुष्ट माधवकुमार नेपाल झलनाथ खनाल पक्षका सांसदहरुले राजिनामा गर्ने आशा काँग्रेस माओवादीलाई थियो । यद्यपी एमाले अध्यक्ष तथा प्रधानमन्त्री केपि ओली र नेता माधवकुमार नेपाल बिच भएको सहमति पछि नेपाल खनाल पक्ष राजीनामा गर्ने निर्णयमा पुगेको छ ।
जसपाको पनि पूर्ण साथ नपाएको र एमाले नेपाल खनाल पक्षका सांसदहरुले राजीनामा नदिने भएपछि काँग्रेस माओवादी केन्द्र नयाँ सरकार गठनमा दावी गर्ने निश्कर्षमा पुगेका हुन् । बहुमतको सरकार गठनको लागि प्रतिनीधि सभाका १३६ सांसदको समर्थन आवश्यक पर्छ । तर प्रतिनीधि सभामा काँग्रेसको ६१ र माओवादी केन्द्रको ४९ गरी दुईदलसंग ११० सांसद मात्रै छन् ।
त्यस्तै ३२ सांसद रहेको जनता समाजवादी पार्टीभित्र सरकार गठनका विषयमा विवाद छ । यसले एमाले अध्यक्ष केपि ओली नै प्रधानमन्त्री बन्ने पक्का देखिएपनि बहुमतको प्रधानमन्त्री वा अल्पमतको प्रधानमन्त्री बन्ने भने एकिन भईसकेको छैन ।
जनता समाजवादी पार्टीको महन्थ–राजेन्द्र समूहका सांसदको मात्रै समर्थन लिएर बहुमतको प्रधानमन्त्री हुने वा संविधानको धारा ७६ (३) अनुसार अल्पमतको प्रधानमन्त्री बन्ने भन्ने ओलीको निर्णय आईसकेको छैन । बहुमतको सरकार गठनको लागि राष्टपतिले दिएको समयसिमा राती ९ बजे सकिँदैछ ।