अस्पतालमा जन्मिएको बच्चाको विवरण अव सिधै पञ्जिकरण विभागमा

1.3K

अस्पतालमा जन्मिएको बच्चाको विवरण अव सिधै पञ्जिकरण विभागमा

अस्पतालमा जन्मिएको बच्चाको विवरण सिधै विभागमा पुग्ने प्रणाली विकास गर्न राष्ट्रिय परिचय पत्र तथा पञ्जिकरण विभागले प्रकृया अगाडि बढाएको छ । केही समयमै लागु हुनेगरी विभागले अस्पतालमा जन्मिएको बच्चाको विवरण फारम अस्पतालमै भरेर विभागमा आउने व्यवस्था मिलाएको हो ।
बच्चा कहिले जन्मियो भन्ने यकिन पनि हुने र जच्चाको जन्ममिति पनि वास्तविक हुने विभागकी निर्देशक विनिता भट्टराईले बताउनु भयो ।
जन्मदताको समस्या धेरै भएकोले त्यो समस्या समाधान गर्न र जन्मदर्तालाई व्यवस्थित गर्नको लागि बच्चाको विवरण अस्पतालबाटै विभागमा ल्याउन खोजिएको हो । यसले अस्पतालमा जन्मिएका बच्चाको दर्ता सहज भएपनि घरमै जन्मिएका बच्चाको दर्ता स्वयम्ले गर्नुपर्नेछ । बच्चा जन्मिएको ३५ दिन भित्र जन्मदर्ता गराउने पर्ने व्यवस्था छ ।