जीपी कोईराला स्मृति रनिङशिल्ड महिला भलिवल प्रतियोगिताको उपाधि साविक विजेता एभरेष्ट बोडिङ्ले हात पारेको छ । जीपी कोईरालाको १२ स्मृति दिवसको अवसरमा जीपी कोईराला स्मृति प्रतिष्ठान रुपन्देहीले आयोजना गरेको नवौं संस्कृरणको उक्त प्रतियोगिताको उपाधिका लागि भएको प्रतिस्पर्धामा न्यू हाेराईजनलाई हराउँदै उपाधि एभरेष्टले हात पारेको हो । अघिल्लो वर्ष भएको ८ औं संस्करणको प्रतियोगितामा पनि एभरेष्टले उपाधि उचालेको थियो ।
उपाधिसंगै एभरेष्टको टिमले १० हजार नगद पुरस्कार सहित शिल्ड, ट्रफी र प्रमाणपत्र प्राप्त गरेको छ । उपाधि विजेता एभरेष्टसंग हार व्यहोरेको न्यू हाेराईजन द्वितीय भएको छ । उसले ७ हजार नगद पुरस्कार सहित शिल्ड ट्रफी र प्रमाणपत्र प्राप्त गरेको छ । त्यस्तैगरी प्रतियोगितामा कान्ति माध्यमिक विद्यालय तृतीय र नयाँगाउँ माध्यमिक विद्यालय सान्त्वना भएकाे प्रतियाेगिताका संयाेजक तथा प्रतिष्ठानका महासचिव परमानन्द भट्टराईले बताउनु भयाे। तृतीय हुने कान्ति मावि र सान्त्वना हुने नयाँगाउँ माविलाई क्रमश ५ हजार र २ हजार ५ सय रुपैंया नगद पुरस्कार सहित शिल्ड, ट्रफी र प्रमाणपत्र प्रदान गरिएकाे छ।
प्रतिष्ठानका अध्यक्ष रामबहादुर कार्कीकाे अध्यक्षतामा भएकाे प्रतियोगिताकाे समापन कार्यक्रममा नेपाली काँग्रेसकी महासमिति सदस्य बालकुमारी भण्डारीले विजेता टिमलाई पुरस्कार प्रदान गर्नुभएकाे हाे ।
शनिबारदेखि सुरु भएको प्रतियोगितामा साविक विजेता एभरेष्ट बोडिङ सहित होराईजन, नवज्योती, दीप बोडिङ, कान्ति माध्यमिक विद्यालय, नयाँगाउँ माध्यमिक विद्यालय, सेन्ट जोसेफ, कुवँरवर्ती, शान्ति नमुना माध्यमिक विद्यालय, सिद्देश्वर माध्यमिक विद्यालय र न्यू लुम्बिनी बोर्डिङ गरि ११ विद्यालय सहभागि भएका थिए ।
