ईन्धनमा भएको मुल्यबृद्धिको बिरोध गर्दै नेपाल विद्यार्थी संघ सहित १५ विद्यार्थी संगठनहरुले नेपाल आयल निगम घेराउ गरेका छन् । पेट्रोल, ग्याँस लगायत ईन्धनमा भएको मुल्यबृद्धिको बिरोध तथा मुल्यबृद्धि फिर्ताको मा गरेर ती विद्यार्थी संगठनहरुले बुधबार बिहान ११ बजेदेखि १ बजेसम्म २ घण्टा नेपाल आयल निगम घेराउ गरेका हुन् ।
नेपाल विद्यार्थी संघका अध्यक्ष दुजाङ शेर्पाले काँग्रेस सत्तामा होस वा सत्ता बाहिर हुँदा पनि नेबिसंघ जनता र विद्यार्थीको पक्षमा उभिने बताउनु भयो । मूल्यवृद्धि फिर्ता नभएसम्म प्रदर्शन जारी रहने र मूल्यवृद्धि फिर्ता गराएरै छाड्ने दावी गर्नुभयो ।
गएको आइतबार रातिदेखि लागू हुनेगरी निगमले इन्धनको मूल्यमा भारी वृद्धि गरेको थियो । निगमले पेट्रोल, डिजल र मट्टीतेल प्रतिलिटर १० रुपियाँ वृद्धि गरिएको थियो भने खाना पकाउने एलपी ग्याँसको प्रति सिलिण्डर दुई सय रुपियाँ बृद्धि गरेको थियो ।