तिलोत्तमाका विद्यालयमा आधारभूत तहका बालबालिकालाई दिवा खाजामा दश रुपैंया थप

1.3K

तिलोत्तमाका विद्यालयमा आधारभूत तहका बालबालिकालाई दिवा खाजामा दश रुपैंया थप

रुपन्देहीको तिलोत्तमा नगरपालिकाले आधारभूत तहमा अध्ययन गर्ने बालबालिकालाई संघीय सरकारले प्रदान गर्ने दिवा खाजामा १० रुपैंया थप गरिदिएको छ । शुक्रबार नगरपालिकामा पदभार ग्रहण गरेलगत्तै मेयर रामकृष्ण खाँणले उक्त निर्णय गर्नुभएको हो ।
साना बालबालिकाको चौतर्फी विकास र उनीहरुको स्वास्थ्यलाई समेत ध्यान दिएर संघीय सरकारले प्रदान गर्दै आएको दीवा खाजामा १० रुपैंया थप गर्ने निर्णय गरिएको नवनिर्वाचित मेयर खाँणले बताउनु भयो ।
तिलोत्तमा नगरपालिकाका नवनिर्वाचित जनप्रतिनीधिहरुले शुक्रबार पदभार ग्रहण गरेका हुन् । शुक्रबार बिहान निर्वाचन आयोगले नवनिर्वाचित मेयर खाँणलाई पद तथा गोपनीयताको सपथग्रहण गराएको थियो भने दिउँसो मेयर खाँणले उपमेयर सहित वडा अध्यक्ष र सदस्यहरुलाई पद तथा गोपनीयताको सपथ ग्रहण गराई पदभार ग्रहण गर्नुभएको हो ।