आयुर्बेद एशोसिएसन लुम्बिनीमा अर्याल

20

आयुर्बेद एशोसिएसन लुम्बिनीमा अर्याल

राष्ट्रिय आयुर्बेद एशोसिएसन नेपाल लुम्बिनीको प्रथम भेला बुटबलमा सम्पन्न भएको छ। प्रथम भेलाको एक कार्यक्रमका बिच लुम्बिनी प्रदेश स्वास्थ्य मन्त्रालय आयुर्वेद महाशाखा प्रमुख डा. पुष्पराज पौडेलले उद्घाटन गर्नु भयो । उद्घाटन कार्यक्रमा बोल्दै डा. पौडेलले यस्ता संस्था खोल्नु समाजको लागी राम्रो भएको बताउदै आयुर्वेदको बिकासका लागि पनि महत्वपुर्ण हुने बताउनु भयो ।
राष्ट्रिय आयुर्बेद एशोसिएसन नेपालका केन्द्रिय उपाध्यक्ष शालिकराम भुसालले आयुर्वेदको बिकास र निकासका लागी राज्यसंग सहकार्य गर्ने प्रतिबद्धता जाहेर गर्नु भयो । उहाँले राज्यले आयुर्वेदको निति निमार्ण गर्दा कुन संस्थासँग सहकार्य गर्ने भन्दा राष्ट्रिय आयुर्बेद एशोसिएसन नेपालसँग तरिकाले काम गर्नु पर्ने बताउनु भयो । भुसालले आयुर्वेदको बिकासका लागि सम्पुर्ण आयुर्वेदकर्मी एकजुट भएर लाग्नुको बिकल्प नभएको बताउनु भयो ।
त्यस अवसरमा  पत्रकार चन्द्रकान्त खनाल र शिद्ध फर्मुलेशनका संञ्चालक रामचन्द्र पौडेललाई दोसल्ला प्रमाण पत्रले सम्मान गरिएको छ ।
राष्ट्रिय आयुर्बेद एशोसिएसन नेपाल लुम्बिनीको प्रथम भेलाले नरहरी अर्याल नबिनको अध्यक्षतामा १५ सदस्यीय समिति चयन गरेको छ ।  समितिको उपाध्यक्ष दिपक पन्थी, सचिब कमल शर्मा, चापागाई, सहसचिब प्रदीप बैठा, कोषाध्यक्ष रिता ज्ञवाली रहनु भएको छ । त्यसतै सदस्यहरु भुपेन्द्र डीसी, माधब बस्याल, दिक्षा भन्डारी, जीबन बस्याल डा. आबिश्यकार अधिकारी, धर्मराज भन्डारी, कमल आचार्य, डा. गोपाल न्यौपाने, मनोज राय र थानेश्वर न्यौपाने रहनु भएको छ ।
सल्लाहकारमा र चन्द्रकान्त खनाल, प्रकाश ज्ञवाली र डा. सन्तोष गौतमलाई चयन गरिएको प्रदेश अध्यक्ष अर्यालले बताउनु भयो ।