रुपन्देहीको बुटवल उपमहानगरपालिका वडा नं. १५ ढवाहामा रहेको वेस्टर्न मेघा कलजेका विद्यार्थीलाई मानसिक स्वास्थ्यको अवस्था पहिचान एवं निराकरण सम्बन्धि तालिम प्रदान गरिएको छ । कलेजले कलेजमा बि.एच.एम. अध्ययन गर्ने विद्यार्थीलाई यो तालिम प्रदान गरेको हो ।
विश्वभर विशेषत युवाहरुमा नैराश्यता, छिटो रिसाउने, सानो सानो कुरामा तनाव लिने र मनोरोग लगायतका समस्या देखिन थालेकाले यी समस्या कसरी पहिचान गर्ने र समाधान कसरी गर्न सकिन्छ भन्ने विषयमा विद्यार्थीलाई तालिम प्रदान गरिएको कलेजका प्राचार्य अधिवक्ता किशु शर्माले बताउनु भयो ।
आईतबार आयोजना गरिएको तालिममा समस्याको पहिचान तथा निराकरणको विषयमा चिक्तिसा मनोबिद डा. अन्जनकुमार ढकालले प्रशिक्षण गर्नुभएको थियो । उहाँले युवामा देखिने मानसिक स्वास्थ्य समस्या पहिचान गरी निराकरणको उपाय बताउन सकेमात्रै पनि आकस्मिक रुपमा हुने मानसिक दुर्घटनाबाट युवालाई बचाउन सकिने भनाई राख्नुभयो ।
कलेजमा मानसिक स्वास्थ्यको अवस्था पहिचान र समाधानको उपायबारे तीन चरणमा प्रशिक्षणको कार्यक्रम तय गरिएको र यो पहिलो चरणको कार्यक्रम भएको प्राचार्य शर्माले बताउनु भयो ।
वेस्टर्न मेगा कलेजले विद्यार्थीहरुको शैक्षिक गतिबिधिमा मात्रै नभई उनीहरुको स्वास्थ्य, समाजिक उत्तरदायित्व वहन, प्रयोगात्मक सिकाई, इभेन्ट म्यानेजमेन्ट एवं साहसिक भर्मणहरुमा पनि उत्तिकै ध्यान दिईएको र यसले उनीहरुको क्षेमतामा चौतर्फी विकास हुने खालको शिक्षा विधि प्रयोगमा ल्याईएको प्रचार्य शर्माले बताउनु भयो ।
कलेजका अतिरिक्त कृयाकलाप प्रमुख सौगात लामिछानेको संयोजनमा भएको तालिम कार्यक्रममा कलेजमा कार्यरत शिक्षक कर्मचारी, विद्यार्थीले उल्लेखनीय सहभागिता रहेको थियो । उक्त कलेजमा स्नातक तहमा बि.एच.एम र स्नाकोत्तर तहमा एम. बि.ए. अध्ययन हुने र वर्ष २०८० को लागि भर्ना खुलेको कलेजले जानकारी गराएको छ ।
