एसईई दिएर बसेका विद्यार्थीलाई उच्च शिक्षा अन्ययनका लागि बुटवलमा शैक्षिक गन्तव्य पहिचान सम्बन्धि प्रशिक्षण गरिएको छ । विद्यार्थीलाई शैक्षिक गन्तव्य पहिचान गर्न सहज गराउन बुटवल जेसीजले एसईई दिएर बसेका विद्यार्थीलाई मंगलबार बुटवलमा डिफाईन योर फ्युचर विषयमा प्रशिक्षण कार्यक्रम गरेको हो ।
शैक्षिक गुणस्तर र विद्यार्थीको भविश्यलाई जोडेर कार्यक्रम आयोजना गरिएको बताउँदै बुटवल जेसीजका अध्यक्ष विनोद घिमिरेले विद्यार्थीलाई आफ्नो शैक्षिक गन्तव्य तय गर्न सहज हुने विश्वास व्यक्त गर्नुभयो ।
कार्यक्रममा मोटिभेसनल प्रशिक्षक प्रितम पौडेलले विद्यार्थीलाई प्रशिक्षण गर्नुभएको थियो । फोरम फर हेल्थ साईन्सका लुम्बिनी प्रदेश अध्यक्ष प्रकाश राना, सामुदायिक विद्यालय व्यवस्थापन समिति महासंघ लुम्बिनी प्रदेश अध्यक्ष शरद भट्टराई, प्याव्सन लुम्बिनी प्रदेश अध्यक्ष लालहरि पाण्डे र हिसान रुपन्देहीका अध्यक्ष दिनेश भुसालले विद्यार्थीलाई मोटिभेशनल स्पिच गर्नुभएको थियो ।
कार्यक्रममा नेपाल जेसीजका पूर्व अध्यक्ष, बुटवल जेसीजका पूर्व अध्यक्ष जगतबहादुर पोखरेल, बुटवल जेसीजका पूर्वअध्यक्ष निर्मलप्रसाद लाकौल, बुटवल महिला जेसीजकी अध्यक्ष संगिता ढकाल, महासचिव केशव श्रीसले भनाई राख्नुभएको थियो ।
