बुटवल उपमहानगरपालिका वडा नं. १५ ढवाहामा रहेको नेपालकै पहिलो स्कुटल वेस्टर्न मेगा कलेजमा कक्षा १२ को परीक्षा दिएर बसेका विद्यार्थीलाई एक हप्ते निःशुल्क होटल व्यवस्थापन (हस्पिटालिटी) तालिम प्रदान गरिएको छ ।
उक्त एक सात दिने तालिम आईतबार सकिएको हो । वेकरी एण्ड किचन र बरिष्टा एण्ड फूड एण्ड वेभरेज तालिममा रुपन्देही र नवलपरासीका समेत गरी ५७ जना सहभागि थियो । उनीहरुलाई दुई समुहमा विभाजन गरेर तालिम प्रदान गरिएको थियो । तालिम समापनसंगै उनीहरुलाई आईतबार नै प्रमाण पत्र प्रदान गरिएको छ ।
कक्षा १२ को परीक्षा दिएर बसेका विद्यार्थीको खाली समयको सदुपयोग गराउनको लागि तालिम प्रदान गरिएको कलेजका प्राचार्य अधिवक्ता किशु शर्माले जानकारी गराउनु भयो ।
विद्यार्थीले लिने शिक्षालाई सीपसंग जोड्न सकियो भने शिक्षासंगै रोजगारीको समेत अवसर सिर्जना हुने भएकाले विद्यार्थीलाई सीपयुक्त शिक्षामा अग्रसर गराउन निशुल्क तालिम सञ्चालन गरिएको बताउनु भयो । यसले उनीहरुलाई शिक्षासंगै नयाँ सीप र ज्ञान हासिल हुने उहाँले विश्वास व्यक्त गर्नुभयो ।
तालिम कलेजका शिक्षक विकास खत्री र सुमन आचार्यको संयोजनमा भएको थियो । यो कलेजमा स्नातक तहमा वि.एच.एम र स्नाकोत्तर तहमा एम.बि.ए. अध्ययन हुन्छ । कलेजमा नयाँ शैक्षिक सत्र वर्ष २०८१ को लागि भर्ना खुलेको पनि कलेजले जानकारी गराएको छ ।
