लायन्स क्लव बुटवल देवीनगरले क्लवका प्रथम उपाध्यक्ष कालिका कार्कीको सासु आमाको दशौ पुन्य तिथिको अवसर पारेर बुटवल उपमहानगरपालिका वडा नं. २ मा रहेको श्री सिद्धबाबा दुर्गा भवानी शिवकुमारी सैजु बृद्धाश्रम आश्रीत जेष्ठ नागरिकलाई खाना खुवाईएको छ ।
कार्यक्रममा निबर्तमान डिष्ट्रक गभर्नर अर्जुनमान सैजुले बृद्धहरुलाई खाना खुवाएर क्लवले बास्तविक मानव सेवा गरेको भन्दै क्लवको प्रशंसा गर्नुभयो । कार्यक्रममा क्लवकी अध्यक्ष सर्मिला कुवँर सहित एरिया चारका चिफ कोओर्डिनेटर दिपक श्रेष्ठ, जोन चेयर पर्शन दिपक गौतम, एरिया सचीव अमृता कार्कीका साथै क्लबका संस्थापक अध्यक्ष सहित पदाधिकारीहरुको उपस्थिति रहेको थियो ।
आगामी दिनमा पनि क्लबले कुनै पनि सदस्यका आफन्त वा कसैको उपलक्ष्यमा हुने खर्चलाई क्लबको संयोजनमा यस्तै सेवाको काममा लगाउने अध्यक्ष कुँवरले बताउनु भयो । कार्यक्रमको संचालन सचिव अन्जु थापाले गर्नुभएको थियो ।
