गुल्मीको मदाने गाउँपालिकाका अध्यक्ष महेन्द्रबहादुर कुवँरले क्यान्सरको उपचाररत मने सुनारलाई उपचालको लागि आर्थिक सहयोग प्रदान गर्नुभएको छ । मदाने गाउँपालिका वडा नं. ४ गावाका ६२ वर्षीय सुनार क्यान्सर रोग लागेर भरतपुर क्यान्सर अस्पतालमा उपचाररत हुनुहुन्छ ।
क्यान्सर ग्रसित सुनारको उपचारको लागि घरमै पुगेर अध्यक्ष कुवँरले १० हजार रुपैंया आर्थिक सहयोग प्रदान गर्नुभएको हो । उहाँले स्वास्थ्य लाभको कामना गर्दै विरामीको उपचारमा थोरै भएपनि सहयोग होस भन्ने उद्देश्यले सक्दो सहयोग प्रदान गरिएको अध्यक्ष कुवँरले बताउनु भयो । विपन्न तथा गरिव परिवारका सदस्यहरुको उपचार तथा शिक्षाका लागि अध्यक्ष कुवँरले आर्थिक सहयोग प्रदान गर्दै आउनु भएको छ ।
नेपाली काँग्रेस मदाने गाउँपालिकाका अध्यक्ष समेत रहनु भएको पालिका अध्यक्ष कुवँरले अध्यक्षमा निर्वाचित भएपछि पालिकाबाट आफूले पाउने सुविधा वापतको रकम सिधै पार्टीको खातामा जम्मा हुने व्यवस्था मिलाउनु भएको छ । त्यसरी पार्टीको खातामा जम्मा भएको पैसा पार्टी समितिको निर्णयमा खर्च गर्ने गरिएको पनि उहाँले बताउनु भयो ।
