बालबालिकाको क्षेत्रमा काम गर्ने किवानिज क्लव अफ रुपन्देही लुम्बिनीले ब्रेन ट्युमरको उपचार गराईरहेका अर्सित सुवेदीको उपचारका लागि आर्थिक सहयोग प्रदान गरेको छ ।
रुपन्देहीको तिलोत्तमा नगरपालिका वडा नं. ७ भलवारी निवासी सुवेदीको विगत डेढ वर्षदेखि भारतको मेदान्त ब्रेन ट्युमरको अस्पतालमा उपचार भईरहेको छ । उनको उपचारमा केही भएपनि राहत होस भन्ने उदेश्यले क्लवका सदस्यहरुबाट संकलन गरिएको १ लाख रुपैंया प्रदान गरिएको क्लवका निवर्तमान अध्यक्ष मनोज आचार्यले बताउनु भयो ।
उक्त रकम एक कार्यक्रमका बिच हस्तान्तरण गरिएको हो । ब्रेन ट्युमरको उपचार गराईरहेका बालकको यहि साउन १४ गते अर्थात जुलाई २० मा अप्रेसन हुन लागेको परिवारले जानकारी गराएका छन् ।
सहयोग रकम हस्तान्तरण गर्दै क्लवका अध्यक्ष गोविन्द भुसालले बालबालिकाको क्षेत्रमा काम गर्दै आएको क्लवका सदस्यहरुले आफूसक्दो रकम संकलन गरि ब्रेन ट्युमरको उपचार गराईरहेका बालकलाई उपचारमा सहयोग प्रदान गरिएको बताउनु भयो । उहाका अनुसार कलवले हरेक वर्ष बालकालिकाको क्षेत्रमा काम गर्दै आएको छ ।
यो क्लवले विशेष गरी १८ वर्षभन्दा कम उमेरका बालबालिकाको शिक्षा, स्वास्थ्य, व्यक्तित्व विकास, खेलकुद तथा वातावरणको क्षेत्रमा काम गर्दै आएको छ । कार्यक्रममा क्लवका निवर्तमान अध्यक्ष मनोज आचार्य, संस्थापक अध्यक्ष दिपेश शाही, लुम्बिनी प्रदेशका लेफ्टिेन्ट गभर्नर अमनमान श्रेष्ठ, क्लवका सचिव रोमनाथ गैरे लगायतको उपस्थिती रहेको कार्यक्रम संयोजक अर्जुन पराजुलीले जानकारी गराउनु भयो ।
