गुल्मीकाे मदाने गाउँपालिका दलित सुकुम्बासी समुदायकी ८२ वर्षीया नेप्टी कामीकाे उपचारकाे लागि गाउँपालिका अध्यक्ष महेन्द्रबहादुर कुँवरले आर्थिक सहयाेग गर्नुभएकाे छ । अस्वस्थ्य भई जिल्ला अस्पताल तम्घासमा उपचाररत बहुदलिय प्रजातन्त्र र समाजवादका अनुयायी स्व. यमे कामीकी श्रीमती नेप्टीलाई अध्यक्ष कुँवरले अस्पतालमै पुगेर उपचारकाे लागि १० हजार रुपैया प्रदान गर्नुभएकाे हाे ।
बहुदलीय व्यवस्था पुनःस्थापनापछि वि.सं. २०४८ मा सम्पन्न पहिलो आमनिर्वाचनमा गुल्मी–३ बाट नेपाली कांग्रेसका तर्फबाट निर्वाचित स्व. रद्रमणी भण्डारीको सम्मानमा साविक पुर्कोट दहमा आयोजित विजय उत्सव समारोहको सभापतित्व बहुदलिय प्रजातन्त्र र समाजवादका अनुयायी स्व. यमे कामीले गर्नुभएकाे थियाे ।
नेपाली काँग्रेस मदानेका सभापति समेत रहनुभएका गाउँपालिका अध्यक्ष कुँवरले अध्यक्षमा निर्वाचित भएदेखि नै आफूले पालिकाबाट पाउने सेवा सुविधा वापतकाे रकम सिधै पार्टीकाे खातामा जाने व्यवस्था मिलाउनु भएकाे छ । त्यसरी पार्टीकाे खातामा आएकाे पैसा पार्टी समितिकाे निर्णयमा स्थानीय नागरिककाे स्वास्थ्याेपचार, शिक्षा तथा अन्य सामाजिक गतिविधिमा याेगदान गर्दै आएकाे उहाँले बताउनु भयाे ।
नेपाली काँग्रेसकाे नीति, निष्ठा र आदर्श बोकेका कामीकी श्रीमती नेप्टीकाे उपचारमा सहयाेग गर्ने पार्टीकाे निर्णय अनुसार अस्पतालमै पुगेर हस्तान्तरण गरिएकाे हाे । उक्त सहयाेग रकम हस्तान्तरण गर्दै अध्यक्ष कुँवरले कामी परिवारको दीगो स्वास्थ्य सुधारकाे कामना पनि गर्नुभयाे ।
