निलकण्ठधाममा सञ्चालित गुरुकुललाई सगरमाथा सहकारीको सहयोग

1.3K

निलकण्ठधाममा सञ्चालित गुरुकुललाई सगरमाथा सहकारीको सहयोग

सगरमाथा बहुद्देश्यीय सहकारी संस्था लि., बुटवलले स्थापनाको २१ बर्ष प्रवेशको अवसरमा बुटवलस्थित निलकण्ठधाममा रहेको गुरुकुल शिक्षालयलाई किताव राख्ने दराजहरु सहयोग प्रदान गरेको छ ।
बुटवल उपमाहानगरपालिका वडा नं. ९ स्थित धार्मिक स्थल निलकण्ठधाममा सञ्चालित संस्कृत गुरुकुल शिक्षालयमा अध्ययनरत बटुकहरुले प्रयोग गर्ने गरि सहकारीले ६ थान स्टीलका पुस्तक राख्ने दराज प्रदान गरेको हो । सोमवार धाममा आयोजित एक कार्यक्रममा सरकारीका कार्यबहाक अध्यक्ष कृष्णप्रसाद पराजुली, सचिव गणेशचन्द्र पाखेरेल, कोषाध्यक्ष कृष्णदेव भण्डारी, संस्थापक अध्यक्ष दिप आचार्य, कार्यक्रम संयोजक विमलराज भट्टराईले धामका उपाध्यक्ष चुरामणी पौडेल र प्राचार्य पं. चेतनारायण आचार्यलाई उक्त स्टिल दराज हस्तान्तरण गर्नु भएको थियो ।
त्यस अवसरमा बोल्दै सहकारी कार्यबहाक अध्यक्ष कृष्णप्रसाद पराजुलीले सामाजिक उत्तरदायित्व निर्वाहा गर्ने क्रममा सहकारीले संस्कृत शिक्षाको संरक्षण र प्रर्वद्धनमा सक्रिय निलकण्ठ धामको गुरुकुललाई सहयोग गरिएको बताउनु भयो । कार्यक्रममा संयोजक विमलराज भट्टराईको सञ्चालन, सचिव कृष्णदेव भण्डारीको स्थागतमा भएको कार्यक्रममा धामका उपाध्यक्ष भिमप्रसाद न्यौपाने लगायत बोल्नु भएको थियो । कार्यक्रममा गुरुकुलमा अध्ययरत बटुकहरुको पनि उपश्थिति रहेको थियो । सो धाममा हाल बिभिन्न जिल्लाका ५१ जना बटुकहरुले अध्ययन गर्दै आएका छन् ।