लुम्बिनी प्रदेशका नवनियुक्त सामाजिक विकास मन्न्री चन्द्रकेश गुप्तालाई प्रदेश खेलकूद परिषद लुम्बिनीकाे बुटवल स्थित कार्यालयमा स्वागत गरिएकाे छ ।
साेमबार विभागीय मन्त्री गुप्तालाई परिषदका सदस्य सचिव जयप्रकाश भट्टराई, सामाजिक विकास मन्न्रालयका सचिव कृष्णप्रसाद पन्थ, खेलकुद महाशाखा प्रमुख मनोज गैरे, परिषदका सदस्यहरू राजकुमार पाण्डे, हरिष वली, बुटवल उपमहानगरपालिका वडा नं. ८ का अध्यक्ष यज्ञप्रसाद पंगेनी, वडा नं. ५ का अध्यक्ष तथा बुटवलका खेल संयाेजक हरिप्रसाद श्रेष्ठ, लाफा समूहका अध्यक्ष बबिन थापा लगायतले मन्त्री गुप्तालाई स्वागत गर्नु भयाे ।
त्यस अवसरमा मन्त्री गुप्ताले खेलकुदकाे विकासका लागि सबैसंग मिलेर काम गर्ने प्रतिवद्धता व्यक्त गर्नु भयाे । उहाँले आफू नयाँ भएकाले आवश्यक अध्ययन गर्ने र यहाका समस्याहरु जानकारी गराउन आग्रह गर्नुभयाे ।
मन्त्री गुप्तालाई स्वागत गर्दै सदस्य सचिव भट्टराईले परिषदले गरेका प्रगति प्रतिवेदन सहित आसन्न राष्ट्रपति रनिङ शिल्ड प्रतियाेगिता र कार्यालयका थप याेजनाहरुकाे बारेमा जानकारी गराउनु भएकाे थियाे । उहाँले हालै सम्पन्न नवौं राष्ट्रिय खेलकूद प्रतियोगितामा लुम्बिनी प्रदेशले १३२ वटा मेडल र बिधागततर्फ ६८ वटा मेडल ल्याउन सफल भएको जानकारी गराउनु भयाे
त्यसै अवसरमा अन्डर २० का हेड काेच यमप्रसाद गुरुङ र स्ट्रेन्थ लिफ्टिंग प्रतियोगितामा बिजेता जीवन गिरीलाई सम्मान गरिएकाे छ ।
बंगलादेशमा हालै सम्पन्न एशियन अन्डर २० महिला फुटबल खेलमा टिमलाई उप बिजेता बनाउन सफल भएको भन्दै नेपाल अन्डर २० महिला फुटबलका हेड कोच गुरूङलाई सम्मान गरिएको हाे । प्रदेश फूटवल टिमकाे चिफ काेच समेत रहेका गुरुङकाे नेतृत्वमा सुदुरपश्चिम राजधानी कपमा लुम्बिनी प्रथम भएकाे थियाे ।
यस्तै स्ट्रेन्थ लिफ्टिंग संघ नेपालका महासचिव गिरी त्रिकिस्तानमा सम्पन्न स्ट्रेन्थ लिफ्टिंग प्रतियाेगितामा नेपाललाई मेडल दिलाउनु भएकाे थियाे । उहाँहरुलाई मन्त्री गुप्ताले दाेसल्ला ओढाएर सम्मान गर्नु भएकाे हाे ।