प्रतिनिधि सभा सदस्य निर्वाचनमा पाल्पा क्षेत्र नं. १ बाट नेपाली काँग्रेसका तर्फबाट निर्वाचित सांसद सन्दिप रानालाई बुटवलमा सम्मान गरिएको छ ।
पूर्वआप्रवासी समन्वय समिति लुम्बिनी प्रदेश समितिले बुधबार आयोजना गरेको कार्यक्रममा उनलाई सम्मान गरिएको हो ।
पूर्वआप्रवासी समन्वय समितिका लुम्बिनी प्रदेश अध्यक्ष माधव भुसालको अध्यक्षतामा भएको कार्यक्रममा वक्ताहरूले संसदमा सांसद रानाले रचनात्मक भूमिका खेल्ने विश्वास व्यक्त गरे ।
कार्यक्रममा बोल्दै सांसद रानाले देशको विकास र सुशासनका लागि आफू प्रतिबद्ध रहेको बताए । कार्यक्रममा नेपाली काँग्रेसका केन्द्रीय सदस्य रामबहादुर कार्की, रुपन्देही सभापति तथा तिलोत्तमा नगरपालिकाका मेयर रामकृष्ण खाण, बुटवल उपमहानगरपालिकाका मेयर खेलराज पाण्डेय, पूर्व केन्द्रीय सदस्य गंगा शाही, महासमिति सदस्य सुनिता कुँवर तथा केन्द्रीय सदस्य यदुनाथ पाण्डे लगायतले शुभकामना व्यक्त गरेका थिए ।
वक्ताहरूले भूकम्प, कोरोना महामारीलगायत विपद्का समयमा रानाले गरेको सामाजिक सेवा तथा युवामुखी विकास योजनाका कारण पाल्पाली जनताले उनलाई विश्वासका साथ निर्वाचित गरेको उल्लेख गर्दै जनतासामु गरेका प्रतिबद्धता पूरा गर्न सुझाव दिएका थिए ।
