बुटवल उपमहानगरपालिका वडा नं. १३ मा रहेको बिहानी व्याडमिन्टन क्लवले आयोजना गरेको बिहानी व्याडमिन्टन प्रिमियर लिगको उपाधी मालारानी टाईगर्स (नमराज सुवेदी र अरुण खनाल)ले हात पारेको छ । तिन दिनसम्म सञ्चालन गरिएको खेलमा मालारानी टाईगर्स अपराजित रहि प्रथम भएको हो ।
राउण्ड रोबिनको आधारमा भएको खेलमा बेलवास किङ (लक्ष्मण मरासिनी र छबिन्द्र भट्टराई) द्वितीय तथा बुटवल टाईगर्स (जीवन गौतम र शोभाखर पोखरेल) तृतीय भएका छन् । खेलमा ६ टिम सहभागि थिए ।
बुधबार भएको प्रतियोगिताको समापनमा क्लवका अध्यक्ष समेत रहेका शोभाखर पोखरेलले खेलाडीलाई मेडल तथा प्रमाणपत्र प्रदान गर्नु भएको थियो । खेलमा राईजिङ् प्लेयर अफ द सिरिजबाट अरुण खनाल र म्यान अफ द सिरिजबाट नमराज सुवेदीलाई सम्मान गरिएको छ ।
क्लवका सचिव अर्जुन गौत्मको सञ्चालनमा भएको कार्यक्रममा सहभागि खेलाडी, अफिसियल तथा सुभेच्छुकहरुलाई खेल संयोजक छबिन्द्र भट्टराईले धन्यवाद ज्ञापन गर्नुभएको थियो ।
